Astanada 8 myńnan astam nysan zańdastyryldy

Osy jyldyń qarashasyndaǵy aqparat boıynsha Astanada 38 mlrd. 517 mln. teńgeniń 8 224 nysany zańdastyrylǵan, dep habarlady Astana ákimdiginiń baspasóz qyzmeti. Azamattardan jalpy somasy 111 mlrd. teńge bolatyn 9 023 ótinish túsken. Sonyń ishinde 69 mlrd. 550 mln. teńge somanyń 11 016 turǵyn úı nysany, 42 mlrd. 288 mln. teńge somanyń 11 725 turǵyn úı emes nysany, 22 mlrd. 872 mln. teńgeniń 1 132 kommersııalyq nysany, 457 mlrd. 949 mln. teńge somanyń zańdy tulǵalardyń jarǵylyq kapıtalyna qatysýynyń 5 úlesi bar. Sonymen birge, Astana qalalyq Memlekettik kiris organdaryna 1 mlrd. 054 mln. teńgeniń somasyna 16 nysan boıynsha 17 arnaıy deklarasııa tapsyryldy. Sondaı-aq, QR aýmaǵynan tys jerdegi zańdy tulǵalardyń jarǵylyq kapıtalyna qatysýdyń 6 mln. 250 myń teńge somanyń 3 úlesi zańdastyryldy. Aqshany zańdastyrýǵa kelsek, atalǵan kezeńde 584 mlrd. teńgeniń 687 arnaıy deklarasııasy tapsyrylǵan, sonyń ishinde esepshotqa salmastan, 944 mln. 230 myń teńge zańdastyryldy, odan 94 mln. 423 myń teńge kóleminde 10% alym jınaldy. 10 mlrd. 807 mln. teńge somanyń qundy qaǵazdary zańdastyryldy. Aıta keteıik, elimizde múlikti zańdastyrý 2014 jyldyń 1 qyrqúıeginde bastalyp, 2016 jyldyń 31 jeltoqsanyna deıin jalǵasady.