Andre Roze: Djeıkobstyń jeńisine senimdimin

WBA nusqasy boıynsha orta salmaqta álem chempıony Dennıel Djeıkobstyń (32-1, 29 KO) jattyqtyrýshysy Andre Roze WBA (Super), IBO, WBC jáne IBF belbeýleriniń ıesi qazaqstandyq Gennadıı Golovkın (36-0, 33 KO) jaıly óz pikirimen bólisti. Bul týraly vesti.kz habarlady. «Dennıdi týǵan ulymdaı jaqsy kóremin. О́mirinde talaı qıyndyqty kórgen. Isik dertimen aýyryp, emdelip shyqty. Al 18 naýryzda rıngke shyǵyp, ózine senim artpaǵandarǵa bárin dáleldeıtinine senimdimin. Oǵan deıin biz tyńǵylyqty daıyndalamyz. Golovkınge jankúıerlik etetin kezderim de bar. Ol óte qarapaıym adam. Biraq qarsylasymyz ekenin umytpaýymyz qajet», – dedi Roze. «Birinshi kezekte Djeıkobstyń adamgershiligine alǵysymdy bildirgim keledi. GGG-men judyryqtasatyny belgili bolǵannan keıin naǵyz chempıondar sekildi pikirin bildirdi. Al jekpe-jekke keler bolsaq, 90 paıyzǵa bireýi nokaýtpen utady dep senimdi túrde boljam jasaýǵa bolady. Andre ekeýimiz orta salmaqtaǵy boks úshin bul kezdesýdiń qanshalyqty mańyzdy ekenin bilemiz degen oıdamyn», – dedi Abel Sanches. Aıta keteıik, Golovkın men Djeıkobs arasyndaǵy aıqas 18 naýryz kúni Nıý-Iork qalasyndaǵy Madison Square Garden arenasynda ótedi. Elimizde bul jekpe-jekti «Qazaqstan» jáne «Qazsport» telearnalary kórsetedi.