Foto: Ashyq derekkóz
Bolashaq kassırlerge qoıylatyn talaptar joǵary jaýapkershilikti qajet etedi. Úmitkerlerdiń býhgalterlik esep, qarjy, ekonomıka nemese gýmanıtarlyq salalar boıynsha joǵary nemese orta bilimi bolýy shart. Sonymen qatar mamandyǵy boıynsha keminde eki jyldyq jumys ótili jáne «1S: Býhgalterııa» baǵdarlamasymen jumys isteý daǵdysy basty nazarǵa alynady. Eseptilikti saýatty qurastyra bilýmen qatar, memlekettik jáne orys tilderin jetik meńgerý mindetti, al aǵylshyn tilin bilý basymdyq retinde qarastyrylady.
Laýazymdyq mindetter sheńberinde mamandar LRT paıdalaný erejelerin, qoldanystaǵy tarıfter men jeńildikterdi jolaýshylarǵa túsindirýi tıis. Sondaı-aq kólik kartalaryn satý, olardyń teńgerimin toltyrý jáne kassalyq eseptilikti júrgizý – basty mindetterdiń qatarynda.
О́z kezeginde kompanııa Qazaqstan Respýblıkasynyń Eńbek kodeksine sáıkes resmı jumysqa ornalastyrýǵa jáne aýysymdyq jumys kestesine kepildik beredi.
Qyzyǵýshylyq tanytqan azamattar túıindemelerin CTS resmı saıty nemese hr@cts.gov.kz elektrondy poshtasy arqyly joldaı alady. Qosymsha aqparat alý úshin +7 (7172) 577 177 (ishki nómirler: 102, 207) baılanys telefonyna habarlasýǵa bolady.
