AQSh prezıdenti Barak Obama Aq úı basshylyǵyndaǵy sońǵy resmı sózin sóıledi.
Chıkagoda halyq aldyna shyqqan Obama aldymen amerıkalyqtardy demokratııany qorǵaýǵa shaqyrdy.
"Qaı jaǵynan alyp qarasaq ta, Amerıka segiz jyl burynǵydan áldeqaıda jaqsy jáne qýatty el. Eger biz demokratııanyń qadirin túsine almaıtyn bolsaq, bul qundylyǵymyzdan aıyrylyp qalýymyz múmkin" dedi Aq úıdiń qazirgi basshysy.
Aıta keteıik, endi 2008 jyldan beri bılikte bolǵan Aq úıdiń alǵashqy qara násildi 55 jasar prezıdentiniń ornyna 20 qańtar kúni resmı túrde Donald Tramp keledi. Basylymnyń habarlaýynsha, respýblıkashyl prezıdent Obamanyń saıasatynyń kóptegen tusyn ózgertpek. Obama bıliktiń aýysý kezinde el ishinde beıbitshiliktiń saqtalýy Amerıkalyq demokratııanyń taǵy bir ereksheligi ekenin aıtty. Sonymen qatar Barak Obama Amerıkalyq demokratııaǵa qaýip tóndirýi múmkin úsh nárseni atady: áleýmettik teńsizdik, násildik bóliný jáne qandaı da bir erekshelikterdi alǵa tarta otyryp qoǵamnyń jik-jikke bólinýi. AQSh prezıdenti búgingi jastardyń jigerli ekenin, al Chıkago óziniń de jastyq shaǵy ótken qala ekenin aıtty.
