Mýzykalyq strımıngtik Spotify qyzmeti Barak Obamaǵa 20 qańtarda prezıdenttikten bosaǵannan keıin ózderine jumysqa shaqyrdy, dep habarlaıdy BBC.
Spotify kompanııasy saıtynda President of Playlists (Pleılıst prezıdenti) qyzmetine jańa vakansııa ashyldy. Habarlamada bul orynǵa kelgen adam pleılısttiń quralýyn qadaǵalap, 60-tan astam elde qyzmet keńseleri jumysyn tekserip otyrmaq.
"Pleılıst prezıdentiniń" basty maqsaty kompanııa úshin jańa ıdeıa oılap tabý jáne álemdik kóshbasshylyqqa jeteleý. Osy maqsatta atqarylatyn jumystardyń bir nusqasy retinde habarlamada "ultqa joldaý retinde densaýlyq saqtaý zańnamasyn da qosýǵa bolady" dep jazylǵan. Aıta keteıik, prezıdenttik kezinde Obamanyń "Obamasaqtaý" (Obamacare) atty densaýlyq saqtaý baǵdarlamasy bolǵan.
Bos vakansııaǵa ıe bolý úshin habarlamada mynadaı talaptar jazylǵan: "Syıly eldi basqarýda segiz jyl tájirıbesi men Nobel syılyǵy bolýy kerek."
Habarlamada Obamanyń aty tikeleı atalmaǵanymen, atalǵan talaptarǵa Obama tolyqtaı saı keledi. Habarlamany Obamanyń ózi kórýi úshin atalǵan kompanııanyń atqarýshy dırektory Danıel Ek Obamaǵa týıt jazǵan.
Ázirge Obama bul usynysqa jaýap bergen joq.
