Erıslandı Lara: Alvares Golokınmen jekpe-jek ótkizbeıdi

Kýbalyq boksshy Erıslandı Lara (23-2-2, 13 KO) Saýl «Kanelo» Alvarestiń (48-1-1, 33 KO) Gennadıı Golovkınmen (36-0, 33 KO) jekpe-jek ótkizbeıtinine senimdi, dep habarlaıdy vesti.kz. «Bul kezdesý jaıly kóp aıtylyp ketti, alaıda buǵan «Kanelo» kelisim bermeıtinine senimdimin», – dedi ol. Erıslandı Saýlden ese qaıtarǵysy keletinin jasyrmady. Onyń aıtýynsha, tóreshiler 2014 jyly meksıkalyq sportshyǵa jeńisti ádiletsiz bergen. «Saýldiń isinen sózi kóp, ol Golovkınmen eshqashan judyryqtaspaıdy. Al men «Kanelomen» qýana-qýana kezdeser edim. Negizi, 2014 jyly jeńiske men laıyqty edim. Alaıda, boksta mundaı ádiletsizdikter jıi bolyp turady», – dedi kýbalyq boksshy. Kýbalyq boksshy buǵan deıin Golovkınmen de aıqasqysy keletinin málimdegen. Aıta keteıik, 2014 jyly Alvares pen Lara arasynda ótken jekpe-jekte eki tóreshi  jeńisti meksıkalyqqa berse (117:111 jáne 115:113), bireýi kýbalyqty (115:113) laıyq dep sanaǵan.