• 11 Qańtar, 2017

Dáýren Abaev ýaqytsha tirkeý týraly pikir bildirdi

290 ret

kórsetildi

2 mın

oqý úshin

Egemen Qazaqstan

Qazaqstannyń Aqparat jáne kommýnıkasııalar mınıstri Dáýren Abaev eldegi qazirgi ózekti máseleniń biri - azamattardy ýaqytsha qonys ornynda tirkeý máselesin jeńildetý baǵytyndaǵy sharalar týraly aıtty. Ol bul týraly óziniń Feısbýktegi paraqshasynda bylaı dep jazdy: Qymbatty dostar, sońǵy kúnderi eń kóp talqylanǵan máseleniń biri azamattardy mindetti túrde ýaqytsha tirkeý normasy bolǵany belgili. Bul máseleniń qoǵamda qyzý talqylanyp, memorgandar tarapyna birqatar syn aıtylýyna túsinistikpen qaraýǵa bolady. О́kinishke qaraı, keıbir qajetti sharalardyń der kezinde atqarylmaýy kórinis tapty. Árıne, Zań qabyldanǵan soń, onyń júzege asýy shart. Endigi jerde basty mindetimiz – azamattardyń tirkeýden ótýine barynsha qolaıly jaǵdaı jasaý. Mine, osy maqsatta biz HQKO-lar qyzmetkerleriniń jumys kúnin uzarttyq. Buǵan qosa, olar azamattardy demalys kúnderinde de, ıaǵnı 7-8 qańtarda da qabyldady. Árıne, atalǵan shara eńbek zańnamasy saqtala otyryp, júzege asyryldy. Sonymen qatar, operasııa zaldarynda kóshi-qon polısııasy qyzmetkerlerine arnalǵan jumys oryndary kóbeıtilip, HQKO qyzmetkerleriniń aýysym grafıgine ózgertýler engizildi. 9 qańtardan bastap azamattardy jyljymaıtyn múlkiniń ornalasqan ornyna qaramastan tirkeý múmkindigi qarastyrylýda. Halyq tyǵyz ornalasqan Almaty men Shymkent qalalaryna mobıldi HQKO-lar jiberildi. Olar áskerı bólimder men turǵyn sany kóp aýdandardy qyzmetpen qamtamasyz etýde. Tirkeýge qatysty barlyq suraqtaryńyzdyń jaýabyn Biryńǵaı baılanys ortalyǵynyń 1414 nómiri arqyly alýlaryńyzǵa bolady. Árıne, áli de birqatar máselelerdiń bar ekeni ras, olardy jaqyn ýaqytta retteý kózdelýde. Eń aldymen, shamamen bir aı ishinde «onlaın» rejıminde tirkelý múmkindigi qoljetimdi bolmaq. Sonymen birge, azamattardan mindeti túrde 2-forma boıynsha (jyljymaıtyn múlikke quqyq týraly) anyqtamany talap etýdi alyp tastaý josparlanýda. Bul tirkelý prosesin 2 esege deıin azaıtar edi. Mınıstrlik HQKO-lardyń málimetter bazasyna ákimdikterdiń qoljetimdiligin qamtamasyz etýdi usynyp otyr. Bul ákimdikte járdemaqy rásimdeýshi azamattardyń qajetti anyqtamalardy sol jerden alýyna múmkindik bermek. Osy qadam HQKO-lar júktemesin azaıtatyny anyq. Sóz sońynda, biz azamattardy qalyptasqan jaǵdaıǵa túsinistikpen qaraýǵa shaqyramyz. Al, Mınıstrlik óz tarapynan máselelerdiń rettelýine kúsh salatyn bolady.