Amanatqa adaldyq tanytaıyq

Jergilikti máslıhat depýtattary halyq seniminen shyǵyp júr dep aıta alamyz ba? Dál biz­diń aýdanda aıta almasaq ke­rek. Ásirese, el aýzynda sońǵy de­pý­tattar quramy durys tań­dal­ma­ǵan degen áńgimeler jıirek aıtylyp qalyp júr. Sondaı-aq, ómirlik tájirıbeleri az, oı-pikirleri qalyptaspaǵan degen dálel-dáıekter de alǵa tarty­la­dy. Aıtsa aıtqandaı, biz qa­ty­syp júrgen sessııalardyń qaı-qaısysynda da depý­tat­tar­­­dyń ún-túnsiz otyratyny shyn­­­dyq. Kún tártibindegi ózekti má­s­elelerge ózdiginen ashyq pikir aı­týǵa nemese óz oıyn bildirýge onsha qulyqty emes. Bizdiń uǵymymyzda halyq qalaý­­­ly­la­ry eldiń qamyn jep, muń-muqta­jy jo­lynda ter tóge alatyn, joǵa­ry bılik al­dynda sol halyqtyń só­zin sóıleı alatyn eldiń azamaty emes pe?!  Sondaı-aq, olar turǵyndardyń jeke máseleleri boıynsha kesteli kez­de­sýlerin júıeli ótkize bermeıdi. Osy­nyń barlyǵy jekelegen alys aýyl­dar saılaýshylarynyń máselelerin she­shýde barynsha qıyndyq týǵyzady. So­dan keıin turǵyndar tarapynan nara­zy­l­yq paıda bolady, ol óz kezeginde óńirde áleýmettik shıelenis týyndatýy yqtımal. Sońǵy jyldary Qazaqstan Res­pýb­­lıkasy Prezıdentiniń Jar­ly­ǵyna sáıkes jergilikti ákimder tur­ǵyndar jáne má­slı­hat depýtattary aldynda esep berip júr­­geni bar­sh­amyzǵa aıan. Alaı­da, osy jer­de shy­nyn aıtý kerek, jer­gilikti tur­ǵyn­dar ákimderdiń ish py­styrarlyq, san­­darǵa toly uzaq-so­nar esepti baıan­damasyn uıalǵannan ázer tyń­daı­dy. Al senim artqan depýtatta­rymyz «biriniń aýzyna biri tú­ki­rip qoıǵandaı» bir saryn, jat­tan­­dy sózderdi aıtyp, jınalysqa qa­tysýshylardy mezi etedi. Sosyn taǵy bir aıta ketetin jaıt, sessııa saıyn «Aýdannyń qurmetti aza­­maty» ataǵyn berý dástúrge aınalyp barady. Olardyń basym kóp­shiligi zeınetkerlikke shyqqan ákim­qaralar, ara­synan qarapaıym eń­­bek adamdaryn shammen izdeseń de ta­ba almaısyń. El múddesi qaı ýaqytta da birinshi ke­zek­te turýy tıis emes pe?! Halyq qa­laý­lylary soǵan saı qyzmet etip, amanatqa adaldyq tanytyp jatsa, nur ústine nur bolar edi. Aıapbergen SALIHOV Atyraý oblysy, Isataı aýdany