Utymdy usynys, júıeli jumys

Shırek ǵasyr ishinde Qa­­zaqstan tolaıym tabys­tarǵa qol jetkizdi. Ejelgi ertegilerdegi batyr-ba­ha­dúrlerdeı sát saıyn ósip, jetilip, áleýmettiń áleýetin jaqsartyp, ekonomıkasyn túzep, álemdik arenadaǵy óz ornyn oıyp turyp aldy. Jer-jahannyń kóshbasshy memleketteri sanasatyn, asa kúrdeli saıası máselelerde biz­diń pikirge qulaq túretin jaǵdaıǵa qol jetkizdi. Eki eldiń arasyndaǵy shıelenisti kezeńderde Qazaqstan araaǵaıyndyqqa túsip, jer betindegi yntymaq pen beıbitshiliktiń saqtalýyna, turaqtylyqtyń qalypty jaǵdaıda damýyna ózindik úlesin qosyp keledi. Árige barmaı-aq, ke­she­gi Reseı men Túrkııa arasyndaǵy túsinispeýshilik kezindegi Elbasy Nursultan Nazarbaevtyń erekshe ról atqarǵanyn alǵa tartsaq, artyqtyq etpeıtin shyǵar. Eldegi yntymaq pen birlik, tu­raqty damý men tyndyrymdy tirlik, álemdik deńgeıdegi tyń bas­tamalary eskerilip, Qazaqstan 2017-2018 jyl­dary Birikken Ulttar Uıymy Qaýipsizdik Keńesiniń turaqty emes múshesi bolyp qabyldandy. Osy rette Elbasy Qaýipsizdik Keńesine ózi­niń Saıası úndeýin joldady. Tarıhı qujatta qadaý-qadaý máseleler kóterilgen. Ásirese, qaýipsiz, ádil jáne órkendegen álem qurý úshin ja­handyq áriptestikti nyǵaıtýǵa ba­symdyq berilý kerektigi naqty aı­tyl­ǵan. Jeti usynystan turatyn qujatta álemdegi ıadrolyq ahýaldyń da jaı-japsary qozǵalǵan. Bizdiń el ıadrolyq qarýdan bas tartqan jer betindegi tuńǵysh el ekenin jurttyń bári biledi. Sondyqtan bul taraptaǵy usy­nysta «Qazaqstan Respýblıkasy Koreı túbegindegi ıadrolyq qarý prob­lemasy boıynsha kópjaqty kelis­sózder prosesin kidirtpeı qaıta bastaýǵa shaqyra otyryp, ony shu­ǵyl jáne syndarly túrde sheshýdi basty maqsattardyń biri retinde qaraıdy. Zadynda, Qazaqstan BUU-nyń barlyq múshe memleketterin, ásire­se, Qaýipsizdik Keńesiniń turaqty múshelerin, 2045 jyly BUU-nyń 100 jyl­dyǵy qarsańynda álemdi ıadrolyq qarýdan qutqarýǵa shaqyrady» delingen. Jer sharyndaǵy barsha halyqqa ortaq bul problemada ózgeler Qazaq­stan bastamasyn qoldaıdy degen oıdamyz. Qazaqstan – BUU Qaýipsizdik Ke­ńe­siniń múshesi bolyp saılanǵan Or­talyq Azııadaǵy alǵashqy memleket. Osynyń ózinen-aq elimizdiń durys baǵytta damyp kele jatqanyn ańǵarýǵa bolatyn shyǵar. «Biz ózimizdiń Keńestegi tóraǵalyǵymyz kezinde Aýǵanstandaǵy jaǵdaı jáne Ortalyq Azııadaǵy beıbitshilik, qaýipsizdik pen damýdy nyǵaıtý sharalary boıynsha aýqymdy, teńdestirilgen, mazmundy jáne nátıjeli talqylaý uıym­das­tyrýǵa, sondaı-aq, qorytyndysy boıynsha arnaıy qujat qabyldaýǵa bastamashylyq jasaýǵa nıettimiz. Biz Aýǵanstannyń beıbit ómirge jedel oralýy úshin bul eldiń ekonomıkalyq jáne áleýmettik damýyna jan-jaqty járdem kórsetý, beıbitshilik pen qaýipsizdik qaterine qarsy turýdy jáne eldiń áleýetin nyǵaıtýdy jaq­taımyz. Biz Aýǵanstan-Talıban jó­nin­degi 1988 Komıtetiniń tóraǵasy retin­de maqsatty jumys atqarýǵa daıyn­byz», deıdi Elbasy óz Úndeýinde. Mine, Memleket basshysy jalǵyz qazaq halqynyń, Qazaqstannyń ǵana emes, barsha álemniń jaı-kúıin jaqsartýǵa, yntymaq pen bir­liktiń saltanat qurýyna múddeli. So­nymen qatar, bul tarapta naqty usy­nys­taryn jasap, jumys júıesin qu­ryp otyr. Laıym, osy nıet oryndalsyn dep tileıik. Áskerbek RAHYMBEKULY, Qyzylorda qalasynyń qurmetti azamaty