EKSPO kezinde Astanaǵa 158 myń tonna azyq-túlik ákelinedi

Astanaǵa 2017 jyly óńirlerden 158 064 tonna azyq-túlik jetkizý josparlanǵan, dep habarlady qala ákimdiginiń resmı saıty. «EKSPO kórmesi qarsańynda qala ákimdigi ózge aımaqtarmen jetkiziletin ónimderdiń kólemi boıynsha kelisimge keldi. Oblystardyń málimetinshe, qalaǵa 158 064 tonna azyq-túlik jetkizilmek. Ol kólikterdi qabyldaý úshin eki arnaıy alań belgilendi», - delingen habarlamada. «Qazirgi kezde kórmeni ótkizý kezinde logıstıkany uıymdastyrý máselesi pysyqtalyp jatyr. Taýardyń belgili bir qory, saqtaý máselesi de qaralýda», - dedi qala ákimi. Munymen qosa, Astanada jumys istep turǵan qýattylyǵy 8 000 tonnalyq kókónis saqtaý orny bazasynda, «Altaı» KLO jáne Continental Logistics JShS-da memlekettik-jeke menshik áriptestik aıasynda «Astana» ÁKK» UK» AQ qatysýymen 3 kóterme-taratý ortalyǵy qurylady. Bul áleýmettik mańyzy bar taýarlar baǵasyn retteýge, taýarlardyń sapasyn baqylaýǵa, jetkizilimderdi esepke alýǵa, kepildi satyp alýǵa múmkindik beredi. Búginde ony «ALAI» kópfýnksıonaldy kóliktik-logıstıkalyq kesheni ( ashyq saýda alańdary - 25 myń sharshy metr, júk kólikterinen saýda jasaýǵa arnalǵan asfalt tóselgen alań - 30 myń sharshy metr) bazasynda qurý boıynsha jobalyq-smetalyq qujattar ázirlenýde. «Qalanyń jetkiziletin taýarlarǵa táýeldi ekenin eskersek, ınfraqurylymdy damytý jáne azyq-túlik ónimderin saqtaý men shyǵarý máselesine kóńil bólý kerek»- dedi Isekeshev. Budan basqa, Astanada qýattylyǵy jylyna 1 800 myń tonnany quraıtyn 1 jylyjaı jumys isteıdi. Qýattylyǵy 4850 tonna bolatyn taǵy 2 jylyjaı salynýda. Qýattylyǵy jyylyna 7000 tonnany quraıtyn taǵy 3 nysan jobalaný ústinde. Sondaı-aq jalpy saqtaý kólemi 42,8 tonnalyq 8 kókónis saqtaý orny bar, jalpy saqtaý kólemi 34,5 myń tonnany quraıtyn 9 nysan jobalanyp jatyr.