Qazaqstan-Ulybrıtanııa dıplomatııalyq qatynasyna 25 jyl toldy

QR SIM Qazaqstan Respýblıkasy jáne Ulybrıtanııa jáne Soltústik Irlandııa Birikken Koroldigi arasyndaǵy dıplomatııalyq qatynastardyń ornatylýyna 25 jyl tolýyna arnalǵan Kommıýnıke jarııalady, dep habarlady mınıstrliktiń baspasóz qyzmeti. Keshe, 19 qańtarda biz Qazaqstan Respýblıkasy jáne Ulybrıtanııa jáne Soltústik Irlandııa Birikken Koroldigi arasyndaǵy dıplomatııalyq qatynastardyń ornatylǵanyna 25 jyl toldy. Shırek ǵasyr ýaqyt ishinde elderimizdiń arasyndaǵy qatynastar teńdessiz joǵary deńgeıge jetti: eki el basshylary arasyndaǵy  qatynastar únemi nyǵaıýda, ózara saýda qarqyny ósýde, kelisim-sharttar bazasy keńeıýde, ekijaqty qarym-qatynas ınstıtýttary tıimdi jumys atqarýda. Birikken Koroldik bizdiń ekonomıkamyzdyń altynshy eń iri ınvestory bolsa, Qazaqstan Brıtanııanyń 14 syrtqy ekonomıkalyq seriktesi tizimine qosyldy. Ulybrıtanııa Premer-mınıstri D.Kemeronnyń 2013 jyly Qazaqstanǵa sapary kezinde qol qoıylǵan strategııalyq seriktestik týraly Birlesken málimdemeniń qabyldanýy qazaqstan-brıtan qatynastarynyń erekshe mártebesin aıǵaqtaıtyn asa eleýli oqıǵa boldy. QR Prezıdenti N.Á.Nazarbaevtyń 2015 jyly Ulybrıtanııaǵa resmı sapary strategııalyq seriktestikti odan ári nyǵaıtýǵa asa qýatty serpin berdi. Sapar aıasynda birqatar kommersııalyq kelisim-shart pen jobaǵa qol qoıyldy.