Astanada áleýmettik tólemder úshin 5 mlrd teńge bólindi

Astanada 2017 jyly halyqtyń áleýmettik álsiz toptaryna – zeınetkerlerge, múmkindigi shekteýli jandarǵa, az qamtylǵandarǵa eleýli qoldaý kórsetiledi, dep habarlady qala ákimdiginiń resmı saıty. Astana qalasynyń Jumyspen qamtý, eńbek jáne áleýmettik qorǵaý basqarmasynyń habarlaýynsha, áleýmettik tólemder úshin respýblıkalyq jáne jergilikti bıýdjetten 5 mlrd. teńgege jýyq qarajat bólindi. 2016 jyly 110 myńnan astam adam áleýmettik qoldaýmen qamtyldy, onyń ishinde zeınetkerler, UOS ardagerleri, múmkindigi shekteýli adamdar, balalar, kóp balaly otbasylar, kóp balaly analar, az qamtylǵan azamattar bar. Turǵyn úı járdemaqysy 1456 otbasyǵa taǵaıyndaldy, 1381 adam ataýly áleýmettik kómekti, 18 jasqa deıingi balalarǵa arnalǵan memlekettik járdemaqyny 3904 balalar, О́rleý» jobasy sheńberinde shartty aqshalaı kómekti 243 alýshylar aldy. Sonymen qatar 96 myńnan astam adam (jasy boıynsha jáne eńbek sińirgen jyldary boıynsha zeınetkerler, kóp balaly analar, kóp balaly otbasylar, múmkindigi shekteýli tulǵalar) qalalyq baǵyttaǵy jolaýshylar kóliginde jol júrýge tólem tóleýden bosatý túrindegi jol júrýge (taksıden basqa) áleýmettik kómekpen qamtyldy. 106 myńnan astam adamǵa merekelik jáne aıtýly kúnderge birjolǵy aqshalaı tólemder kórsetildi.