Tamara Dúısenova respýblıkalyq qoǵamdyq qabyldaý ótkizdi

«Nur Otan» partııasynyń Respýblıkalyq qoǵamdyq qabyldaýynda QR Densaýlyq saqtaý jáne áleýmettik damý mınıstri Tamara Dúısenova áleýmettik-eńbek jáne densaýlyq saqtaý máseleleri boıynsha el azamattaryn qabyldady, dep habarlady atalǵan mınıstrliktiń baspasóz qyzmeti. Mınıstrge barlyǵy 19 adam, olardyń ishinde Astana qalacy, Aqmola Pavlodar, Qaraǵandy oblystarynan keldi. Sonymen qatar, Batys Qazaqstan, Jambyl, Mańǵystaý oblystarynyń turǵyndary Tamara Dúısenovamen beınekonferensııa baılanysy arqyly óz suraqtaryn qoıdy. Olardyń basym kópshiligi zeınetaqy men áleýmettik qamsyzdandyrý, emdeý barysynda kómek kórsetý, jumyspen máselelerine qatysty boldy. «Búgingi kezdesýde kóptegen azamattar zeınetaqy men járdemaqylardyń kólemin arttyrý máseleleri boıynsha saýaldar qoıdy. Memleket basshysynyń tapsyrmasy boıynsha aǵymdaǵy jyldyń 1 shildesinen bastap zeınetaqy tólemderiniń kólemi 2016 jylmen salystyrǵanda 20%-ǵa, sondaı-aq, bala týýyna baılanysty beriletin bir jolǵy memlekettik járdemaqy mólsheri 1 shildeden 20%-ǵa arttyrylady. Osy maqsattarǵa respýblıkalyq bıýdjetten qosymsha 81,6 mlrd. teńge bólinedi. Atalǵan máseleler boıynsha qazaqstandyqtar jumyspen qamtý jáne áleýmettik baǵdarlamalar basqarmalarynda tolyq maǵlumat ala alady. Sonymen birge, azamattar menen Nátıjeli jumyspen qamtý men buqaralyq kásipkerlikti damytý baǵdarlamasy týraly surady. Men olarǵa baǵdarlama boıynsha nesıe alý joldary, azamattardy jumyspen qamtý barysynda qandaı tetikter qoldanylatyny jaıynda málimet berdim»,- dep habarlady Tamara Dúısenova azamattardy qabyldaý aıaqtalǵan soń.