Sot tóreligin júzege asyrý jaıy qaraldy

Almaty oblystyq sotynda óńir aktıviniń qatysýymen 2016 jylǵy oblys sottarynyń sot tóreligin júzege asyrý qorytyndysy shyǵaryldy. Sharaǵa Joǵarǵy Sot Tóraǵasy Qaırat Mámı, Almaty oblysynyń ákimi Amandyq Batalov, Almaty oblystyq máslıhatynyń hatshysy Serik Muqanov, Almaty oblystyq sotynyń tóraǵasy Meırambek Taımerdenov, oblys sýdıalary, sottar ákimshisiniń basshylyǵy men qyzmetkerleri, óńirdiń quqyq qorǵaý jáne ózge de memlekettik organdarynyń birinshi basshylary, BAQ ókilderi qatysty. Keńesti ashqan M.Taımer­denov Almaty oblysy sottary­nyń 2016 jyly sot tóreli­gin júzege asyrýynyń jáne is­ter­di qaraýdaǵy zańdylyqty saq­taýynyń negizgi qorytyndy­larymen tanystyrdy. Budan ári Sýdıalar odaǵynyń Almaty oblys­tyq fılıalynyń Sýdıa­lar ádebi komıssııasynyń tóra­ǵasy B.Zaǵıev sóz sóılep, óńir sýdıa­larynyń áreketterine qatysty ótinishter men shaǵymdardy qaraýdyń nátıjesin habarlady. Budan keıin birqatar sot tóraǵalary jumys qorytyndysy boıynsha baıandama jasady. Joǵarǵy Sot Tóraǵasy Q.Mámı Memleket basshysynyń qatysýymen ótken sýdıalardyń VII sezinde «100 naqty qadam» Ult josparyn praktıkalyq turǵydan iske asyrýdyń negizgi nátıjelerin aıtyp ótti. Jalpy alǵanda, úsh satyly sot tóreligi júıesi sátti iske qosyldy,  sýdıalardy irik­teý men ilgeriletý júıesi aıtar­lyqtaı qatańdatyldy, Sot jıýrıi­niń jumysy reformalandy, Joǵarǵy Sot janynan ınves­tısııalyq daýlardy qaraıtyn mamandandyrylǵan alqa, Sot tóreligi akademııasy men Ha­lyqaralyq keńes quryldy. Tergeý sýdıalarynyń, alqa­bıler sotynyń quzyreti neǵur­lym keńeıtildi, azamattyq ister boıynsha prokýrorlardyń sotqa qatysýy qysqartyldy. Sýdıalardyń jumystaǵy  jáne qyzmetten tys ýaqyttaǵy júrip-turýyn naqty reglamentteıtin jańa Sýdıalyq ádep kodeksi qoldanysqa engizildi. Jańa aqparattyq tehnologııalardyń, sonyń ishinde barlyq sot zaldaryn aýdıobeınetirkeý júıelerimen tolyqtaı jaraqtandyrý nátıjesinde sottardyń qyzmeti neǵurlym ashyq ári aıqyn bola tústi. Jańa Azamattyq prosestik kodeks pen qylmystyq zańnama joǵary tıimdiligin kórsetýde. Respýblıka boıynsha  barlyq azamattyq isterdiń 59,2% jeńildetilgen is júrgizý tártibimen qaraldy. Medıasııany qoldana otyryp aıaqtalǵan isterdiń sany úsh ese artty, daýdy sheshýdiń balamaly tásilderi shamamen eki ese jıi qoldanyldy. Prokýrorlardyń qatysýymen qaralǵan isterdiń sany shamamen tórt esege azaıdy. Respýblıka boıynsha sotqa deıingi jedeldetilgen tergeý tártibimen qaralǵan qylmystyq isterdiń sany 14%-ǵa, kelisimdik is júrgizý tártibimen aıaqtalǵan ister – 10%-ǵa, qysqartylǵan tártippen qaralǵan ister – 2 eseden kóp mólsherge artty. Aqtaý úkimderiniń sany 19,2%-ǵa, alqabılerdiń qatysýymen qaralǵan qylmystyq ister – 11,9%-ǵa kóbeıdi. Keńes qorytyndysyn shyǵara kele, Q.Mamı Almaty oblystyq sottaryna sot tóreligin júzege asyrý boıynsha birqatar naqty mindetter júktedi. Nurbol ÁLDIBAEV, «Egemen Qazaqstan» Almaty oblysy