Mundaı sheshim sportshynyń synamasynan tyıym salynǵan meldonıı zaty tabylýyna baılanysty qabyldandy.
Shettetý merzimi aıaqtalǵanǵa deıin qazaqstandyq boksshyǵa kez kelgen kásibı nemese kórme formatyndaǵy jekpe-jekterge qatysýǵa tyıym salyndy. Orta salmaqtaǵy básekelestiktiń úzdiksizdigin qamtamasyz etý jáne reıtıngtegi úmitkerlerdiń múddesin qorǵaý maqsatynda WBO ýaqytsha chempıondyq belbeý úshin aıqas ótkizýge kelisim berdi. Bul jekpe-jekte reıtıngtiń kóshbasshysy Denzel Bentlı men ekinshi nómirli úmitker Endı Saavedra kezdesedi.
Uıym sheshimine sáıkes, shettetý merzimi aıaqtalǵannan keıin Jánibek Álimhanuly ýaqytsha chempıonmen mindetti túrde qolǵap túıistirýi tıis. Bul talap oryndalmasa, WBO reglamentine saı qosymsha sanksııalar qoldanylýy múmkin. Osy sheshimge deıin aralyq jekpe-jek ótkizý qarastyrylmaıdy.
WBO prezıdenti Gýstavo Olıverıdiń málimetinshe, Chempıondyq aıqastar komıteti bul sheshimdi biraýyzdan qoldaǵan. Shettetý merzimi 2025 jyldyń 2 jeltoqsanynan bastap esepteledi. Tolyq sheshim men talaptar kórsetilgen resmı qujat keıinirek jarııalanbaq.
Promoýter Jánibek Álimhanulynyń dopıng synamasyna qatysty pikir bildirdi
Aıta keteıik, 2025 jyldyń jeltoqsan aıynyń basynda WBA chempıony Erıslandı Laramen úsh chempıondyq belbeý úshin josparlanǵan jekpe-jek aldynda qazaqstandyq boksshynyń synamasynan antıdopıng erejelerine sáıkes tyıym salynǵan meldonıı tabylǵany habarlanǵan bolatyn.
Resmı málimdeme: Jánibek Álimhanuly men Erıslandı Laranyń jekpe-jegi ótpeıdi
