Foto: Salı Sabırov, UOK
Atalǵan baǵdarlamada Qazaqstan quramasynyń atynan Nadejda Morozova, Elızaveta Golýbeva jáne Arına Ilıashenko baq synady.
Qazaqstandyq sportshylardyń arasynda eń úzdik nátıjeni Elızaveta Golýbeva kórsetti. Ol 1:54.86 ýaqyt kórsetkishimen márege jetip, jetinshi oryn aldy.
Nadejda Morozova 1:54.86 nátıjesimen 12-orynǵa turaqtasa, Arına Ilıashenko 1:58.43 ýaqyt kórsetkishimen 24-orynda jarysty aıaqtady.
Nıderlandtyq Antýanetta Rııpma-de Iong 1:54.09 nátıjesimen Olımpıada chempıony atandy. Kúmis medaldi norvegııalyq Ragne Vıklýnd (1:54.15) ıelense, qola júlde kanadalyq Valerı Maltege (1:54.40) buıyrdy.
Aıta keteıik, búgin 2026 jylǵy Olımpıada oıyndarynda qazaqstandyq sportshylar úsh sport túrinen synǵa túsedi.
