Batys Qazaqstanda tapsyryspen ushatyn jeńil ushaq tanystyryldy

Búgin «Oral» halyqaralyq áýejaıynda Cessna-208 Caravan jeńil ushaǵy tanystyryldy, dep habarlaıdy «QazAqparat». Oblys ákiminiń orynbasary Igor Steksov qatysqan shara barysynda batysqazaqstandyqtarǵa osy qyzmet túrin usynyp otyrǵan «KazMedEır» AQ bas dırektory Andreı Kosolapovtyń atap ótkenindeı, ozyq tehnologııa negizinde jasalǵan únemdi ári ıkemdi ushaq shekaralas óńirlerge, sondaı-aq aýyl-aımaqqa saparlaı alady. Bul ushaqpen júk te tasymaldaýǵa bolady. Sonymen qatar, parashıýtpen túsý, medısınalyq baǵytta kóshirý, aerofototúsirilim sııaqty túrli qyzmetterdi atqarady. Iаǵnı, kóp salaly ushaq senimdi, qaýipsiz ári qoldanýǵa tıimdi. Mysaly, Aqtóbe qalasyna deıin ushaqtyń ushý quny orta eseppen 2 mln teńge (bir saǵattyq quny - 500 myńnan astam teńge) turady. Oǵan kásipkerler tapsyrys berse, Oraldan Atyraýǵa 1 saǵat 45 mınýtta, Aqtaýǵa 3 saǵat 30 mınýtta, Astanaǵa 5 saǵattan astam ýaqytta jete alady. Sondaı-aq Reseıdiń Orynbor, Samara, Astrahan syndy qalalarymen de áýe qatynasyn ornatýǵa bolady. Oralda ázirge bir ushaq qyzmetke daıyn, aldaǵy ýaqytta suranysqa sáıkes olardyń sanyn kóbeıtý kózdelýde. Aıta keteıik, atalmysh ushaq AQSh-ta ótken ǵasyrdyń sekseninshi jyldary jasalǵan. Ortasha quny – 3 mln dollar. Jolaýshylar salonyna segiz adam syıady. Ushý uzaqtyǵy - 1 680 shaqyrym, jyldamdyǵy – saǵatyna 352 shaqyrym.