Foto:depositphotos.com
Tekseriske perzenthana bosanǵan áıeldiń qaıǵyly qazasy sebep bolǵan.
«Tekserý aıasynda medısınalyq personaldyń barlyq kezeńdegi áreketterine quqyqtyq baǵa beriledi. Baqylaý is-sharalary aıaqtalǵan soń tekseris materıaldary prosessýaldyq sheshim qabyldaý úshin tıisti organdarǵa joldanady», delingen DSM habarlamasynda.
Tekserý nátıjeleri týraly qosymsha aqparat beriletini aıtyldy.
217 mln teńge: Shymkentte júkti áıelderdiń atyna jalǵan áleýmettik tólemder rásimdelgen
Mınıstrlik naýqastardyń qaýipsizdigi qaǵıdattaryna berik ekenin jáne medısınalyq etıka talaptarynyń buzylýyna tózbeıtinin atap ótti.
Buǵan deıin buqaralyq aqparat quraldary Jambyl oblystyq perınataldyq ortalyǵynda bosanǵan áıeldiń kúmándi jaǵdaıda qaıtys bolǵanyn habarlaǵan. Resmı nusqaǵa sáıkes, áıel belgisiz sebepten týyndaǵan sepsıs saldarynan kóz jumǵan. Alaıda marqumnyń týystary onyń ólimine dárigerlerdi kinálap otyr. Olardyń aıtýynsha, jaýapkershilik tek aýrýhanaǵa ǵana emes, júkti áıeldi esepke almaǵan emhanaǵa da qatysty bolýy múmkin.
Astanada júkti áıeldiń júregi bir saǵatta úsh ret toqtap tiri qaldy
