Foto: Krisztian Bocsi/Bloomberg
Bloomberg agenttiginiń málimetinshe, qańtar aıynda kompanııa dırektorlar keńesi Maskke nátıjege negizdelgen 1 mıllıard Class B sanatyndaǵy aksııa bólgen. Bul paket 15 bólikke bólingen. Tolyq syıaqyny alý úshin kompanııanyń naryqtyq quny 7,5 trln dollarǵa jetip, Marsta keminde 1 mıllıon adam turatyn turaqty kolonııa qurylýy qajet.
Qazir Mask kompanııadaǵy daýys berý quqyǵynyń 85,1% ıelenip otyr. Bul oǵan SpaceX-tiń jasandy ıntellekt, spýtnık jáne ǵaryshtyq ushyrý strategııasyn tolyq baqylaýda ustaýǵa múmkindik beredi.
О́tken jyly kásipker qazirgi jáne burynǵy qyzmetkerlerden 1,4 mlrd dollar kóleminde aksııa satyp alyp, kompanııadaǵy úlesin ulǵaıtqan.
Sonymen qatar byltyr qarashada Maskke nátıjege táýeldi taǵy 302,1 mıllıon aksııa berilgen. Bul aksııalar 12 kezeń boıynsha rásimdeledi.
Atalǵan syıaqyny alý úshin kompanııanyń naryqtyq quny 6,565 trln dollardan asýy jáne Jerden tys keńistikte jylyna 100 teravatt esepteý qýatyn qamtamasyz etetin derekter ortalyqtaryn iske qosýy kerek.
Tesla Inc. basshysy bolyp sanalatyn Mask jetekshilik etetin SpaceX kelesi aıda rekordtyq IPO ótkizýdi josparlap otyr.
Buǵan deıin Ilon Mask Fransııada qamaýǵa alynýy múmkin ekeni týraly habarlaǵanbyz.
