Foto: Tengrinews.kz/ Nýrlan Aljabaev
Qaladaǵy Qarqaraly tasjoly boıynda, Sport ýnıversıteti mańyndaǵy qurylys alańynda arnaıy tehnıka, qurylys materıaldary jáne bolashaq LRT jelisiniń tirekteri ornatylyp jatqany baıqalǵan. Sonymen qatar aýmaqta tamyrymen qoparylǵan aǵashtar da kózge túsken.
LRT jobasynyń operatory City Transportation Systems bul jumystar ekinshi kezeń qurylysyna daıyndyq aıasynda júrgizilip jatqanyn málimdedi. Kompanııanyń málimetinshe, mamandar bolashaq stansııalar men ınfraqurylym ornalasatyn aýmaqtaǵy jasyl jelekterge tekserý júrgizgen.
Nátıjesinde 2246 aǵash pen butany basqa jerge kóshirý josparlanǵan. Olardy jaqyn mańdaǵy aýmaqtarǵa otyrǵyzý kózdelip otyr. Sonymen qatar búlingen árbir aǵashtyń ornyna 10 jańa kóshet egý josparlanǵan. Kompanııa ókilderi qurylys kezinde saqtaýǵa bolatyn aǵashtar tolyq qorǵalatynyn da atap ótti.
CTS málimetinshe, barlyq jumys ekologııalyq talaptar men Qazaqstan zańnamasyna sáıkes júrgiziledi.
Eske salsaq, jaqynda Astanada LRT júıesi iske qosylǵan bolatyn. Jańa jeliniń uzyndyǵy 22,4 shaqyrymdy quraıdy. Qazirgi tańda jelide 15 poıyz qatynaıdy, olardyń qozǵalysy júrgizýshisiz rejımde júzege asyrylady. Alǵashqy kúnderi jańa kólik túrin paıdalanǵan jolaýshylar sany 100 myń adamnan asqan.
