Foto: Qorǵanys mınıstrligi
Qazaqstan Qarýly kúshterin ınjenerlik-avıasııalyq qamtamasyz etý júıesiniń qalyptasýy 1993 jyly bastaldy. Kúrdeli jaǵdaılar men resýrstardyń tapshylyǵyna qaramastan, ınjenerlik-tehnıkalyq quram avıasııanyń jaýyngerlik qabiletin saqtap, ony odan ári damytýdyń negizi boldy.
Búgingi tańda bul qyzmettiń mamandary ushaqtar men tikushaqtardy senimdi paıdalanýdy qamtamasyz etedi. Dıagnostıka júrgizip, jabdyqty baptaıdy jáne áýe kemelerin ushýǵa daıyndaıdy. Ár ushýdyń artynda ınjenerlerdiń, tehnıkter men mehanıkterdiń kásibı, úılesimdi jáne jaýapty jumysy tur.
Áskerı avıasııa mamandary táýlik boıy eldiń áýe keńistigin kúzetý boıynsha ushýlardyń oryndalýyn jáne jaýyngerlik kezekshiliktiń ótýin qamtamasyz etedi. Budan basqa, olar avıasııalyq parkti jańǵyrtýǵa, zamanaýı tehnologııalardy engizýge jáne jas kadrlardy oqytýǵa atsalysady.
Osy beıindegi mamandardy daıarlaý Talǵat Bıgeldınov atyndaǵy Áýe qorǵanysy kúshteriniń áskerı ınstıtýtynda, QR Ulttyq qorǵanys ýnıversıtetinde jáne sheteldik áskerı oqý oryndarynda júzege asady.
Bıyl zamanaýı qazaq áskeriniń ınjenerlik-avıasııalyq qamtamasyz etý bólimsheleri qurylǵanyna 33 jyl tolýyn atap ótip jatyr. Olardyń kúndelikti eńbegi, joǵary kásibıligi men iske degen adaldyǵy avıasııanyń jaýyngerlik ázirligin nyǵaıtyp, áýe keńistiginiń qaýipsizdigi men el aspanynyń tynyshtyǵyn qamtamasyz etetin senimdi tirek.
