2025 jylǵy 14 qańtarda Májilis depýtaty Elnur Beısenbaev Qazaqstandaǵy kınoteatrlardy artyq paıda tappaý úshin tekserýdi jáne kınoteatrlar, prokat kompanııalary men kınostýdııalar arasyndaǵy qoldanystaǵy kelisimsharttardy zertteýdi suraǵan.
Marat Omarov atap ótkendeı, «Qazaqfılm» Básekelestikti qorǵaý jáne damytý agenttigine jalǵan nemese tolyq emes málimet usynǵany úshin eki ret ákimshilik jaýapkershilikke tartyldy. Jalpy aıyppul somasy – 2 831 040 teńge.
Sonymen qatar, agenttiktiń Almaty boıynsha departamenti «Kınopark Sentr» JShS áreketterinde ústemdik pozısııany teris paıdalaný belgilerin anyqtady. Agenttiktiń derekteri boıynsha kompanııa kıno prokaty qyzmetterine qoljetimdilikti shektep, jarnamalyq bıýdjetti mindettep otyrǵan. 2025 jylǵy 12 tamyzdan bastap departament Almatydaǵy kıno prokaty naryǵyn taldaýdy bastady.
Taldaý jumystary kórsetkendeı, zerttelgen kezeńde qaladaǵy jalpy kıno prokaty kólemi 16,8 mlrd teńge, onyń ishinde «Kınopark» kompanııasynyń úlesi – 6,3 mlrd teńge nemese 37,9%.
«Qazaqfılm» óndiristik nysandarynyń memleket menshiginde qalatynyn resmı málimdedi
«Qazirgi ýaqytta taldaý aıaqtalý satysynda, nátıjesi boıynsha agenttik TOO «Kınopark Sentr» qatysty tıisti sharalardy qabyldaıtyn bolady. Qosymsha, maýsym aıynyń sońyna deıin agenttik kıno prokaty naryǵyndaǵy básekelestiktiń jalpy jaǵdaıyn taldaıdy», delingen qujatta.
