24 qańtarda Qyzylordada «Nur Otan» partııasy oblystyq fılıaly saıası keńesi bıýrosynyń otyrysy ótti. Onda ótken jyly atqarylǵan jumystar qorytyndylanyp, 2017 jyldyń mindetteri belgilendi.
Oblystyq partııa fılıaly tóraǵasynyń birinshi orynbasary Ibadýlla Quttyqojaev oblystyq máslıhattaǵy «Nur Otan» partııasy depýtattyq fraksııasynyń atqarǵan jumysy týraly baıandady. О́tken jyly depýtattar fraksııanyń 8 jıynyn, 6 reıd pen kóshpeli komıssııa otyrystaryn, 11 dóńgelek ústel, 5 semınar jáne ártúrli deńgeıdegi eńbek ujymdarymen 9 kezdesý ótkizdi.
Budan bólek, 67 azamatty qabyldaý ótkizilip, onyń 78 paıyzy (52 ótinish) oń sheshimin tapty. Bolashaqta qyzylordalyqtar barlyq deńgeıdegi depýtattardyń blog-platformalaryna ótinishterin bildire alady.
Sondaı-aq, sybaılas jemqorlyqqa qarsy is-qımyl jónindegi qoǵamdyq keńestiń tóraǵasy, oblystyq máslıhat hatshysy Naýryzbaı Baıqadamov pen oblystyq partııa fılıalynyń bas esepshisi Ásel Karımova partııa fılıalynyń atqarǵan jumystary men bıýdjetti ıgerý nátıjeleri týraly baıandama jasady.
Sonymen qatar, saıası keńes bıýrosynyń otyrysynda «Nur Otan» partııasynyń saılaýaldy baǵdarlamasyn júzege asyrý jónindegi komıssııanyń jumys jospary bekitildi.
