Iran, Reseı, Túrkııanyń Astana prosesi qorytyndylary boıynsha BIRLESKEN MÁLIMDEMESI

Iran Islam Respýblıkasynyń, Reseı Federasııasynyń jáne Túrik Respýblıkasynyń delegasııalary osy memleketterdiń Syrtqy ister mınıstrleriniń  2016 jylǵy 20 jeltoqsanda Máskeýde jasaǵan Birlesken málimdemesine jáne Birikken Ulttar Uıymy Qaýipsizdik Keńesiniń 2336 qararyna sáıkes; Astanada 2017 jyly 23-24 qań­tar­da Sırııa Arab Respýblıkasy men  qarýly oppozısııalyq toptardyń arasyndaǵy kelissózderdiń bastalýyn qoldaıdy; BUU Bas hatshysynyń Sırııa jónindegi arnaýly elshisiniń osy atal­ǵan kelissózderge qatysýy men atsa­lysýyn joǵary baǵalaıdy; Sırııa Arab Respýblıkasynyń kóp­etnosty, kópkonfessııaly jáne demokratııalyq memleket retindegi ege­mendigine, táýelsizdigine birligi men aýmaqtyq tutastyǵyna degen us­ta­nymdaryn BUU Qaýipsizdik Ke­ńe­si qýattaǵany sekildi taǵy da rastaıdy; Sırııa qaqtyǵysynyń  áskerı sheshimi joqtyǵyna jáne ol BUU Qaýip­sizdik Keńesiniń 2254 qara­ryn tolyq kólemde oryndaýǵa negizdelgen saıası prosestiń kóme­gimen ǵana sheshilýi múmkin ekendigine senimdilikterin bildiredi; Naqty qadamdar arqyly jáne óziniń talaptarǵa yqpalyn paıda­lana otyryp, 2016 jyly 29 jel­toqsanda qol jetken ýaǵda­las­tyqtarǵa sáıkes belgilengen atys­ty toqtatý rejimin nyǵaıtýǵa umty­latyn bolady; Atysty toqtatý rejimin tolyq saqtaýdy qamtamasyz etý jáne baqylaý úshin úsh jaqty  mehanızm jasaý, atysty toqtatýdyń barlyq modaldylyǵyn anyqtaýǵa jáne kez kelgen arandatýdyń aldyn alý týraly sheshim qabyldaıdy; IShIM/DAISh jáne Ál-Nýsraǵa qarsy birlesip kúresýge jáne olardan qarýly oppozısııalyq toptardy bólýge ázir ekendikteri týraly taǵy da málimdeıdi; Kelissózder prosesin BUU Qaýip­sizdik Keńesiniń 2254 qararyna sáı­kes yntalandyrý jónindegi kúsh-ji­gerdi belsendilendirý qajettigi ótkir turǵanyna óziniń senimin bildiredi; Astanadaǵy Sırııa jónindegi Ha­lyqaralyq kezdesý BUU Qaýip­sizdik Keńesiniń 2254 qarary talap­taryna sáıkes úkimet pen oppozısııa arasyndaǵy tikeleı ún­qatysý úshin tıimdi platforma bolyp tabylatynyn atap kórsetedi; Qarýly oppozısııalyq toptar­dyń  2017 jyldyń 8 aqpanynda BUU týy astynda Jenevada óte­tin úki­met pen oppozısııa arasyn­daǵy kelis­­sóz­derdiń kelesi raýndyna qaty­sýǵa daıyn ekendigin qýat­taıdy; Halyqaralyq qoǵamdastyqtyń bar­lyq múshelerin Qaýipsizdik Keńe­siniń 2254 qararynda kelisilgen bar­lyq qadamdardy jedel júzege asyrý turǵysynan saıası pro­sesti qoldaýǵa shaqyrady; Astana platformasynda BUU Qa­ý­ipsizdik Keńesiniń 2254 qara­ryn júzege asyrýǵa úles qosý úshin BUU-nyń araaǵaıyndyǵymen sırııa­lyqtar júrgizetin jáne sı­rııa­lyqtarǵa tıe­sili saıası proses­tiń naqty máseleleri boıynsha bel­­sendi yntymaqtasýǵa sheshim qabyl­dady; Qazaqstan Respýblıkasynyń Prezıdentine, Joǵary mártebeli Nursultan Nazarbaevqa jáne tutas­taı Qazaqstan tarapyna Astanada Sırııa boıynsha Halyqaralyq kezdesý ótkizýge jaǵdaı týǵyzǵany úshin rızashylyq bildirdi.