Mámilegerlik – qanymyzda bar qasıet

Qazaq ejelden kóńili adal, beıbitshilik súıgish  halyq ekeni belgili. Bul týraly kóptegen mysaldar keltirýge bolady. Jalpy, atam qazaq eshqashan ózdiginen eshbir elge jaýgershilik nıetpen shabýyl jasamaǵanyn qart tarıhymyzdaǵy jazbalardan anyq kórinedi. Tek, ózine qastyq jasaǵandardan qorǵaný úshin qarsylyq tanytyp, kúsh jumsaǵan. Al tirshiliktegi kezdesetin túrli máselelerdi mámile arqyly oń sheship otyrǵan. Iаǵnı, til tabysý men yntymaqtasý, ymyralasý arqyly yrys-berekemizdi arttyryp otyrǵan halyqpyz. Mundaı ereksheligimizdi uly tulǵalarymyz da, eli­mizge tabany tıip, jeri­mizden dám tatqan sheteldik ǵalymdar da aıtyp, jazyp, jarııalap álem­ge pash etken kezi az emes. Endeshe, osy kúnderi tur­laýy ketken tirshilikte tarap­tardy tatýlastyrý tetigin­degi bizdiń rólimiz – túp-tamyry sonaý qatpar-qatpar tarıh­tyń kóne betterinen bastaý alady deý­ge tolyq negiz bar. Mine, tap osy tusta sóz etip otyrǵan máse­leniń ekinshi qyryna toqtalaıyn. Búgingi baıtaq elimiz, Keńes ókimetin­degi Qazaq­stan emes. О́z eli men jerine ıe bolyp Táý­el­siz Qazaqstan atanǵan mem­le­ket­tiń má­mi­legerlikke júretindeı jóni bar-aq. Sonymen qatar, aınalyp ótýge bol­maıtyn taǵy bir másele – Memleket bas­shy­synyń abyroı, bedeli. Sebebi, qyz­mette júrip shetelge issaparmen shyq­qanymyzda «Qazaqstan» degen sózdi aıtsaq, aldymen N.Nazarbaev týra­ly jıi estip jatatynbyz. Bul – Elba­symyzdyń esimi elimizdiń ataýymen astasyp ketkeniniń belgisi. Onyń ústine halyqaralyq deńgeıdegi sarapshylar men álemdik kóshbasshylardyń arasynda N.Nazarbaev bedeliniń zor eken­digin baıqatsa kerek. Sondaı-aq, beı­bitshilik pen bereke-birliktiń jer ja­han úshin asa qundy ekendigin Qazaq­standaǵy mamyrajaı tirshilikke qarap turyp túsine qoıý asa qıyn bola qoı­mas, sirá. Sondyqtan da, tynysh­tyq­ty tý etken kóptegen eldiń bas­shy­­lary Astana prosesinen mol úmit kú­­tip, zor nıetpen osyndaı ıgi bas­ta­many qoldap, qýattady. Árıne, bul kelissózderdiń kópshiligi kút­ken nátıjege bastar jol bolatyny kúmánsiz. Ábdijálel BÁKIR, saıası ǵylymdar doktory, professor