Astanada birneshe saǵat ishinde 22 jol-kólik oqıǵasy tirkeldi

  Búgin Astananyń ishki ister departamentine tańǵy ýaqytta jol-kólik oqıǵasyna baılanysty 20-dan asa habarlama kelip tústi, dep habarlady today.kz. «25 qańtar kúni tańerteńgisin jol apatyna baılanysty 22 habarlama keldi. Onyń 10-y rastaldy, ıaǵnı rásimdeldi», – dedi polısııa qyzmetkerleri. Elordalyq mamandar jol apatynyń artýy aýa raıynyń kúrt buzylýymen baılanystyrady. Aıta keteıik, kún raıynyń qolaısyzdyǵynan 24 qańtar kúni 20:00-den bastap Astana-Kókshetaý tas joly jabylsa, 21:30-dan Ekaterınbýrg-Almaty jolynda kólik qozǵalysynyń barlyq túrine shekteý qoıyldy. Astanada 24-25 qańtar kúnderi, sondaı-aq, 26-sy túnde burqasyn bolyp, ońtústik-batystan soqqan jeldiń jyldamdyǵy 20 m/s barady dep kútilýde. Aldaǵy úsh táýlikte elimizdiń basym bóliginde Soltústik Atlantıka jáne Jerorta teńizinen atmosferalyq fronttardyń ótýine baılanysty turaqsyz aýa raıy saqtalady.