AQSh prezıdenti Donald Tramp Meksıkamen shekarada "uly qorǵan" salýǵa belin bekem býyp otyr. Prezıdent óz sózinde sársenbi kúni shekarada qorǵan salý týraly qaýlyǵa qol qoıatynyn aıtty, dep jazady BBC.
"Bul ulttyq qaýipsizdik úshin óte mańyzdy qadam. Biz qorǵandy salamyz", - dep jazdy Aq úı basshysy óziniń Týıtterinde.
Qorǵandy salýdy týraly qaýlyǵa prezıdent Astana ýaqytymen túnge qaraı qol qoıady. Sonymen qatar shekaradaǵy qaýipsizdik sharalaryn kúsheıtý men kóshi-qon salasyndaǵy birqatar qujattarǵa qol qoıylmaq.
Bul qaýlylardyń naqty mátini ázirge jarııalanbaı otyr. Aldyn ala boljamdarǵa súıensek, AQSh-qa Taıaý Shyǵystyń musylman elderiniń azamattarynyń kirý tártibi kúsheıtilmek.
Buǵan qosa Tramp eldegi qalalardyń jergilikti bıligin zańsyz mıgranttarǵa qarsy qoldanylatyn sharany qatańdatýdy tapsyratynyn aıtty.
Meksıkamen aradaǵy shekarada 3 myń shaqyrymdyq qorǵan salý prezıdenttiń saılaýaldy baǵdarlamasynda da aıtylǵan edi. Tipti, qorǵan qurylysyna ketetin shyǵyndy Meksıka úkimetine tóletetinin de aıtqan bolatyn. Al Meksıka bıligi qorǵan qurylysyna qarjy bólmeıtinin ashyq aıtqan.
