"Úkimet burynǵydaı Prezıdent emes, jańa saılanǵan Májilistiń aldynda ókilettigin toqtatqany durys dep sanaımyn" dedi búgin halyqqa Úndeý jarııalaý barysynda Memleket basshysy Nursultan Nazarbaev.
"Úkimet múshelerine Parlament palatalary tarapynan senimsizdik bildirý retin de jeńildetý kerek.
Bul zań shyǵarýshy bıliktiń atqarýshy bılikti baqylaýyn kúsheıtedi. Memlekettik baǵdarlamalardy bekitý quqyǵyn da Úkimetke berý kerek. О́z kezeginde ol sol úshin tolyǵymen jaýapty bolady.
Úkimetke onyń quramyna kirmeıtin ortalyq atqarýshy organdardy taratyp, qaıta qurý quqyǵy berýge bolady.
Al Prezıdent Úkimet pen Premer-Mınıstr aktileriniń kúshin joıý quqyǵynan bas tartýyna bolady.
Munyń barlyǵy atqarýshy memlekettik organdardyń, olardyń basqarýshylarynyń jaýapkershiligin arttyryp, olarǵa qajetti ókilettikterdi beredi.
Zańdyq kúshi bar prezıdent jarlyqtaryn shyǵarý múmkindigi týraly norma da qazir ózektiliginen aıyryldy.
Parlamenttiń jergilikti atqarýshy bılikke qatysty rólin arttyrý qarastyrylady. Sonymen qatar Konstıtýsııalyq Keńes, sot júıesi men prokýratýra qyzmetin jetildirý máselelerin qarastyrý talap etiledi. Jáne bizdiń konstıtýsııalyq qurylylysty buljytpaýdyń sózsiz kepildikteri qajet» dedi Prezıdent.
