Jýkov Qazaqstan quramasynyń sapynda oınaǵysy keledi

Jýyrda ǵana Almatynyń «Qaırat» komandasyna aýysqan Georgıı Jýkov Qazaqstan quramasy sapynda dop tepkisi keletinin málimdedi. Bul týraly ol «Qaırat» klýbynyń baspasóz qyzmetine bergen suhbatynda aıtty. «Osy ýaqytqa deıin meniń tarapyma kereǵar pikirler kóp aıtylǵan. Basylymdar da, jankúıerler de meni talaı synady. Men ol kezde «Standart» klýbyna tıesili edim. Sol úshin belgııalyq klýb prezıdentiniń aıtqanymen júrip keldim. «Astanada» da dál solaı boldy. Bul fýtboldaǵy qalypty jaǵdaı. Qazir eshkimniń aldynda mindetim joq. Bul sheshimdi qabyldar aldyn aldymen áke-sheshemmen aqyldastyq. Artynsha Qaırat Boranbaevpen keńestim. Osydan baryp Qazaqstan quramasy sapynda óner kórsetýge bel baılap otyrmyn. Árıne, aldaǵy ýaqytta ulttyq quramadan shaqyrý túsetin bolsa, aqtyq demim qalǵansha oınar edim», – deıdi Jýkov. 2014-2015 jyldary Jýkov «Astana» ujymynda oınap júrgende Qazaqstan quramasynyń sol kezdegi bas bapkerleri Mıroslav Beranek pen Iýrıı Krasnojan shaqyrtqan. Alaıda, bul shaqyrýdan bas tartqan bolatyn. Aıta keteıik «Qaırat» klýbynyń prezıdenti Qaırat Boranbaev Georgıı Jýkovty komanda qataryna «ulttyq quramaǵa oınaısyń» degen talappen shaqyrǵan.