Argentınalyq sportshylar

qazaq mádenıetimen keńinen tanysqylary keledi Sanaýly kúnderden keıin qysqy Ýnıversıadaǵa al­pysqa tarta el­diń alǵashqy dele­gasııa­lary kele bas­taıdy. Bıylǵy stýdenttik doda­lardan Argen­tına, Brazılııa jáne Parag­vaı syndy shalǵaıda jatqan Ońtús­tik Amerıka elderi de qalys qal­maıdy. Jarystarǵa Argentına qura­masy qatarynda 2 sportshy, atap aıtqanda, snoýbordshy Inakı Odrıozola jáne shańǵyshy Tomash Basıgalýpo óner kórsetpek. Aǵynan jarylǵan atletter shyn máninde Qazaqstan týraly az biletinderin moıyndaǵan. Degen­men, Almatyǵa tabandary tıgenshe bizdiń elimiz týraly kóbirek bilgisi keletinin aıtyp otyr. Sońǵy aılardaǵy stýdenttik kanı­­kýl­dar kezinde bul sport­shy­lar óte qarqyndy jattyǵýlar júr­gizgen. Argentına delega­sııasy eki sport túrinde  medal taǵýdan dámeli. Inakı Odrıozolanyń aıtýyn­sha, ol 2015 jyly Arg­en­tı­na­nyń Snowboarder Slopestyle chem­pıonatynda jáne 2016 jyly Ońtústik Amerıkadaǵy Big Air jarystaryna qatysqan. Atlet 2017 jylǵy qysqy Ýnıversıadada keńinen tájirıbe jınaqtap, jergilikti mádenıetpen tanyssam dep otyr. «Men Qazaqstan týra­ly eshteńe bilmeımin deýge bola­dy. Qazir elderińizdiń tarıhy jáne onyń táýelsizdik alýy týraly mate­rıaldar oqyp júrmin. Alma­tyǵa barǵanda osy ólkeniń mádenıeti týraly kóbirek aqparat alamyn dep oılaımyn», deıdi snoýbordshy. Tomash Basıgalýpo da 28-shi Qys­qy stýdenttik oıyndarda jaq­sy nátıjeler kórsetsem dep otyr. Osy jarystar kezinde ol basqa elderden kelgen sport­shy­lardyń daıyndyq deńgeıin baı­qap, jańa adamdarmen tanysý­ǵa nıetti. Bul sportshy da Qazaq­stan týraly az biletinin jasyr­maıdy.  Sondyqtan, 2017 jylǵy Ýnıversıada elin óz kózimen kórýge asa yntyq.  Aınash ESALI, «Egemen Qazaqstan» ALMATY