«Barys» kezekti jeńisine jetti

Qurlyqtyq hokkeı lıgasynyń turaqty chempıonatynda Astananyń «Barysy» Latvııanyń Rıga qalasynda jergilikti «Dınamo» komandasymen kezdesip, 3:2 esebimen jeńiske jetti. Jankúıerler tartysqa toly kezdesýge kýá boldy. Alǵashqy kezeńde birqatar shabýyldar uıymdastyrylǵanmen, bir ǵana shaıba soǵyldy. 13-mınýtta Roman Starchenkonyń soqqysy kózdegen jerinen dál tabyldy. Matchtyń ekinshi kezeńinde aıdyn ıeleri qorǵanysta saq qımaldap, júıeli oınaýǵa tyrysty. Osynyń arqasynda 28-mınýtta Mıks Indrashıs mergendigimen tanylyp, tarazy basyn teńestirgen, alaıda, 36-mınýtta Naıdjel Doýs komandasyn kezekti ret esepte alǵa shyǵardy. Kezdesýdiń sońǵy 20 mınýtynda Edýard Zankovesten jańa nusqaýlar alǵan «Barys» oıynshylary qarsylastaryn qyspaqqa alyp, qaýipti sátterdi jıi uıymdastyrdy. 46-mınýtta Naıdjel Doýs jetkizgen shaıbany Dastın Boıd qaqpaǵa dál baǵyttap, óz komandasynyń úshinshi shaıbasyn saldy. Al matchtyń aıaqtalýyna birer mınýt qalǵanda «Dınamo» sapynan Laýrıs Darzınsh sońǵy núkteni qoıdy. Osymen 53 matchta 81 upaı jınaǵan astanalyqtar «Shyǵys» konferensııasynda besinshi orynǵa kóterildi. Kelesi kezdesýin 28 qańtar kúni Mınskide «Dınamomen» ótkizedi.