foto: polisia.kz
Ishki ister mınıstrliginiń málimetinshe, 17 naýryzda oblystyń elorda aýdandarynyń biriniń polısııa bólimine azamattardan qatarynan úsh ótinish túsken. Olardyń aıtýynsha, ótken jyldyń sońynda ózin medısınalyq qyzmetker retinde tanystyrǵan belgisiz tulǵa áskerge shaqyrýdan bosatý úshin «qajetti» dıagnoz qoıyp berýge ýáde etken.
Kúdikti óz «qyzmeti» úshin jábirlenýshilerden jalpy somasy 1 mln 200 myń teńgeden astam qarajat alǵan. Alaıda aqsha berilgennen keıin azamattar ýáde etilgen medısınalyq qujattardy da, qarajatty da ala almaǵan. Osydan keıin olar quqyq qorǵaý organdaryna júgingen.
Jedel-izdestirý is-sharalary barysynda polısııa qyzmetkerleri kúdiktiniń jeke basyn anyqtady. Ol jergilikti medısınalyq pýnktterdiń birinde jumys isteıtini belgili boldy. Qazirgi ýaqytta atalǵan úsh derek boıynsha sotqa deıingi tergeý júrgizilip jatyr, sondaı-aq onyń basqa da uqsas qylmystarǵa qatysy tekserilýde.
Sonymen qatar tergeý barysynda aryzdanýshylardyń áreketterine de quqyqtyq baǵa beriletin bolady. Sebebi áskerı qyzmetten zańsyz jaltarý áreketi de zań aldynda jaýapkershilikke ákelýi múmkin.
Chekti kassada qaldyrmańyz: Memlekettik kirister komıteti alaıaqtyqtyń jańa túri týraly eskertti
Quqyq qorǵaý organdary azamattarǵa aqshalaı syıaqy úshin áskerı qyzmetke qatysty kez kelgen «máseleni sheshý» usynystary zańsyz ekenin eskertedi. Kóp jaǵdaıda mundaı ýádelerdiń artynda alaıaqtyq shemalar jasyrylady.
Sondaı-aq sybaılas jemqorlyq sıpatyndaǵy áreketterge qatysý, tipti «klıent» retinde de, ákimshilik nemese qylmystyq jaýapkershilikke soqtyratynyn este ustaý mańyzdy.
Zańsyz dıplom: Abaı oblysynda dáriger bolǵysy kelgen azamat alaıaqtyń quryǵyna tústi
Polısııa azamattardy qyraǵy bolýǵa jáne osyndaı faktiler týraly dereý quqyq qorǵaý organdaryna habarlaýǵa shaqyrady.
