Toǵyz jasar aktrısa

Oblys ortalyǵynan shalǵaıda, Reseımen shekarada jatqan Qarabalyq aýdanynyń jurtshylyǵy, «Balalyq shaq» fılminiń tezirek ekranǵa shyǵýyn kútip júr. Onda basty keıipker Samaldyń beınesin Qarabalyq kentindegi №3 qazaq orta mektebiniń 4-synyp oqýshysy, 9 jasar Karına Joldybek somdady.  О́tken jyly Karınanyń ata-anasy ınternetten balalar fıl­mine kastıng bolatyny jó­ninde habarlama oqyp, rejısser Dáýlet Esjanovqa habarlasady. О́ıtkeni, Karınanyń anasy Indıra qyzynyń ónerge óte qabiletti ekenin kishkentaı kezinen baıqaıtyn. – Karına 1-2 synyptardy oqyǵan Qostanaı qalasyndaǵy №5 «A» gımnazııasynda mýzyka men teatr isinen sabaq ber­gen ustazy Baǵdat Ospanov shákirtiniń boıynan óner ush­qynyn baıqaıdy. Baıqaıdy da, ushtaıdy. Karına mánerlep oqýdan baıqaýda 16 mektepten qatysqan oqýshylar arasynda bas júldeni jeńip alǵan edi. Odan keıin teatr óneriniń «álippesin» de sol kisi tanytty, – deıdi Indıra Arbabaeva. Astanada ótken mamandardyń fılmge irikteýine kip- kishken­taı qara qyz ımene kirgen. Oǵan «Ákeń aýyryp qalsa qa­laı kómek berer ediń?» jáne «Sy­nyptastaryńmen ormanda saıahattap júrip, adasyp ketseń ne ister ediń?» degen eki tapsyrma beriledi. Karınany irikteý komıssııasyna ákesi ertip ákelgen bolatyn. Alǵashqy tapsyrma beril­gende qysylyńqyrap ári «aýyr­ǵan» ákesine kózi botalap, bala­lyq meıirimimen qaraǵan qyzdyń beınesi shynaıylyǵymen tartymdy bolyp edi. Komıssııa mú­sheleri bala qysylmasyn dep onyń áke­siniń shyǵyp ketýin ótinedi. Ekinshi tapsyrmany oryn­daǵanda Karına «ormanda adasqan kez kelgen bala qor­qady, sosyn jylaıdy» dep oılady. Dostaryn shaqyryp, «qoryqqanynan» aıqaılap jy­­laǵan Karına komıssııa múshe­lerin obrazǵa sonshalyqty sen­dire bildi. Osy fılmge túsý úshin 600 bala baǵyn synaǵan eken. Solardyń arasynan Karı­na teat­r ónerinen habary barly­ǵyn, keıipker beınesine kire bile­­tindigin, sahna tilimen sóılep, qajet kezinde jylaı alatyn­dyǵyn da kórsetedi. Eki kúnnen keıin irikteý qorytyndysy shyǵyp, komıssııa músheleri Karınany tańdaıdy. Sol jazda ol «Balalyq shaq» fılmine túsip te úlgeredi. Fılm rejısseri Dáýlet Esjanov kórermenderge «Tastandy», «О́mir joly», «Jú­re­gińdi bir tyńdashy», basqa da fılmderimen tanymal. – Balalar fılminiń túsi­rilimi ońaı bolmaıtynyn shamalaımyz. Túsirý tobyna ár dýbl­di 6-7 ret qaıtalaýǵa týra keledi. Olar ystyq kúnde túsirý ala­ńynda 10 saǵattan jumys istedi. Janynda biz de bolǵan joqpyz. Baýyrymyzdan shyqpaǵan ba­laǵa jeńil bolǵan joq, biraq rejısserdiń, túsirý tobynyń oıy­nan shyǵyp keldi, – deıdi anasy Indıra. «Balalyq shaq» fılmi taıaý­da otandyq telearnalardan kór­setiledi. – Menen synyptastarym Samal týraly suraıdy. Men olar­ǵa «ázirshe qupııa, fılmniń ózin kórińder, sonda qyzyq bolady» dep aıtamyn, – deıdi Karına. Kishkentaı aktrısanyń osyndaı shyǵarmashylyq ustanymy da bar. Al fılmniń rejısseri Dáý­let Esjanov Karınany alda­ǵy ýaqytta túsiriletin fılm­­de­rin­degi laıyqty rólderge shaqy­­ratynyn da aıtyp otyr. Názıra JÁRIMBETOVA, «Egemen Qazaqstan» Qostanaı oblysy, Qarabalyq aýdany