2,5 mıllıon qazaqstandyq medısınalyq saqtandyrýsyz qalýy múmkin

Senatorlar óz betinshe ju­mys­­­­pen aınalysýshylardy dári­gerlik saqtandyrý tetik­­teriniń bolmaýyna alań­daýshylyq bil­dirdi. Senatta Qazaqstan Res­pýb­lıkasynyń mindetti medı­sınalyq saqtan­dyrý júıesine ázir­lik jáne ony engizý máse­le­leri boıynsha kezdesý boldy. Senattyń Áleýmettik-mádenı damý jáne ǵylym ko­mı­tetiniń basta­masy­men ót­­ken sharaǵa Parla­ment depýtat­tary, Densaýlyq saq­taý mınıstr­liginiń, Áleýmettik medı­­sınalyq saqtandyrý qory­nyń jáne «Azamattarǵa arnal­ǵan úkimet» mem­leket­tik korporasııasynyń ókilderi qa­tysty. Al kezdesýdi Áleý­met­tik-mádenı damý jáne ǵylym komıtetiniń tóraǵasy Bir­­ǵanym Áıtimova ashyp, júr­­gizip otyrdy. Senator min­det­ti medısınalyq saq­tan­dy­rý­dy engizý Prezı­dent N.Á.Nazar­baevtyń bes ıns­tıtýt­tyq reformasyn iske asy­rý jónindegi «100 naqty qadam» Ult jos­paryndaǵy jeke baǵyt (80-qadam) retinde qaras­ty­rylǵanyn atap kórsetti. Bul úlginiń negizgi ba­sym­dyǵy memlekettiń, jumys berýshilerdiń jáne azamat­tardyń yntymaqty jaýap­kershiligi qaǵıdasy negizinde densaýlyq saqtaý júıe­siniń qarjylyq turaqty­lyǵynyń saqtalýyn kúsheı­tý bolyp tabylady. Qazirgi kezde bul salaǵa qajetti quqyqtyq negiz qalyp­tasty. Parlament «Min­detti áleýmettik medı­sı­na­lyq saqtandyrý týraly» Zańǵa, sondaı-aq birqatar zań­na­malyq aktilerge tıisti túze­týlerdi qabyldady. Taıaý ýaqyt­ta zań shyǵarý organyna keı­bir zań­namalyq aktilerge den­saý­lyq saqtaý jáne áleýmettik-eńbek salasyndaǵy máseleler boıynsha ózgerister men tolyq­tyrýlar engizý týraly zań jobasy engiziledi. Sharaǵa qatysýshylar al­dynda Áleýmettik medısı­nalyq saqtandyrý qory bas­qar­masynyń tóraıymy Elena Bahmýtova sóz alyp, depý­tat­tardy qordyń qyzmeti, onyń uıymdastyrý qurylymy men aldaǵy jyldarǵa damý jos­pary týraly habardar etti. E.Bahmýtova atap ótken­deı, Qordyń negizgi maqsaty den­saýlyq saqtaý resýrstaryn tıimdi paıdalaný, tarıfti bel­gileý men qyzmet kórsetý tólem­deri jónindegi biryńǵaı qadam­dar jáne salanyń qarjylaı turaqtylyǵyn kúsheıtý bolyp tabylady. Talqylaýǵa qatysqan Senat depýtat­tary Aqan Bıjanov, Serik Bekturǵanov, Álı Bek­taev, Nurlan Qylyshbaev, Sársen­baı Eńsegenov jáne Bekmyrza Elamanov qazirgi ózekti máse­lelerdi aıta kelip, birqatar saýaldar qoıdy jáne qaralyp otyrǵan taqy­ryp boıynsha óz usynystaryn ortaǵa saldy. Jańa úlginiń álsiz jaqtary men qordyń turaqtylyǵyn qoldaýdyń keleshegi jáne onyń aktıvteriniń saqtalýy jan-jaqty sarapqa salyndy. Senatorlar aýyldyq jerlerde turatyn 2,5 mıllıonǵa jýyq óz betinshe jumyspen aına­lysýshy adamdarǵa dári­ger­lik saqtandyrý tetikteri­niń bol­maýyna baılanysty alań­daýshylyq bildirdi. Sondaı-aq, saqtandyrý júıesine barlyq qatysýshylardyń ózara is-qı­mylynyń ár qadamyn naq­ty belgileý usynyldy. Pikir­saıys nátıjesinde mindetti áleýmettik medısınalyq saq­tandyrý júıesin tıimdi en­gizý­ge baǵyttalǵan usynystar ázirlenetin boldy. Láıla EDILQYZY, «Egemen Qazaqstan»