«Aq jol» demokratııalyq partııasy Ortalyq keńesi prezıdıýmynyń MÁLIMDEMESI

«Aq jol» demokratııalyq partııasy demokratııalyq reformalardy damytý, bılik organdarynyń halyq aldyndaǵy ashyqtyǵy men eseptiligin qamtamasyz etý, parlamentarızm ustanymdaryn nyǵaıtý jáne Parlament ókilettikterin keńeıtýdi tabandylyqpen jaqtap keledi. Bul mindetter partııanyń Saıası baǵdarlamasynda mańyzdy basymdyqtar retinde belgilengen. Sondyqtan da, «Aq jol» demo­kra­tııalyq partııasy bılik tarmaqtary arasyndaǵy ókilettikterdi qaıta bólý jónindegi Qazaqstan Respýblıkasy Prezıdentiniń Úndeýin qanaǵattanarlyq sezimmen qabyldady. Bul Úndeýinde Elbasymyz Nursultan Nazarbaev Táýelsizdiktiń birinshi 25 jyldyǵynyń saıası qorytyndylaryn shyǵardy, onyń jetistikteri men jas memleketimizdiń alǵashqy qıyndyqtaryn eńserý bıliktiń kúshti prezıdenttik tikeleı basqarýmen qamtamasyz etildi. Qazaqstannyń ulttyq memle­ket­tiliginiń jańa tarıhı kezeńine kirerde Tuńǵysh Prezıdent qol jet­ki­zilgen tabystarǵa súıene otyryp, qozǵaly­symyzdyń jańa baǵdaryn aıqyndaý dástúrine adaldyǵyn tanytty. Onyń Qazaqstannyń odan ári qaraı demokratııalanýyna qatysty kózqarasy tek zamanaýı betalystar jáne qoǵamdyq úderisterge jaýap berip qana qoımaıdy, sonymen qatar memlekettik basqarýdyń turaqtylyǵyn saqtaıdy jáne prezıdenttik júıeniń jańa formaty arqyly bılik tarmaqtarynyń teńgerimin qamtamasyz etedi. Sonymen birge, Nursultan Nazarbaevtyń áleýmettik-ekonomıkalyq mindetterdi sheshý jóninde ókilettikterdi Úkimetke berý; Parlament pen Úkimettiń ózara is-árekettestiginiń jańa qısynyn qurý; Mınıstrler Kabınetiniń quramyn jasaqtaýda jeńiske jetken partııanyń aıqyndaýshy yqpaly, Úkimettiń depýtattar aldyndaǵy eseptiligin jáne atqarýshy organdarǵa parlamenttik baqylaýdy kúsheıtý jáne basqalary – bul baǵyttardyń barlyǵy Qazaqstannyń jáne bizdiń Táýelsizdigimizdiń odan arǵy taǵdyryn ondaǵan jyldar buryn aıqyndaýǵa qabiletti keshendi progressıvti kózqarastardyń bastamalary bolyp tabylady. «Aq jol» demokratııalyq partııa­sy demokratııalyq ınstıtýttardyń nyǵaıýyna, parlamentarızmniń damýyna jáne memlekettik organdardyń halyq aldyndaǵy jaýapkershiligin kóterýge baǵyttalǵan Tuńǵysh Prezıdenttiń tarıhı sheshimderin pármendi túrde qoldaıtynyn bildiredi. Parlamenttik partııa retinde biz ýaqyt jáne Nursultan Nazarbaevtyń saıası erik-jigeri talap etken bul reformalardy tabysty iske asyrý úshin ózimizdiń jeke jaýapkershiligimizdi sezinemiz. «Aq jol» partııasynyń júzdegen myń múshesi jáne bizdiń saılaýshylarymyz Elbasynyń bastamalaryn talqylaýǵa jáne egjeı-tegjeıli py­syq­taýǵa, olardy is júzine asyrýǵa barynsha belsendilikpen qaty­sa­tyndyǵyna senimdimiz.