Elbasynyń Úndeýi – demokratııalyq damý jolyndaǵy tarıhı sheshim

Nurlan Nyǵmatýlın, Parlament Májilisiniń Tóraǵasy: Biz Táýelsiz Qazaqstanymyz damýynyń jańa belesi bastalǵan mańyzdy kezeńde taǵy bir tarıhı oqıǵanyń kýási bolyp otyrmyz. Ol – Elbasymyz Nursultan Ábishuly Nazarbaevtyń bılik tarmaqtarynyń ókilettikterin qaıta bólý týraly Úndeýi. Bul – tikeleı memlekettiń jáne urpaqtyń bolashaǵyn oılaǵannan jasalǵan qadam. Biz egemendik alǵan kúnnen bas­tap tıimdi prezıdenttik basqarý júıesiniń arqasynda ózimizdiń qazaqstandyq damý jolymyzdy qalyptastyra otyryp, óte bıik tabystarǵa jettik. Elbasymyz aıtqandaı, jańa memleket, jańa ekonomıka, jańa qoǵam qurdyq. Búkil álem tanyǵan áıgili memleketke aınaldyq. Osy jetistikterimizdi saqtap, odan ári úzdiksiz damýdy qamtamasyz etý úshin memlekettik basqarýdy jańǵyrtý týraly bastama Elbasynyń bolashaqty boljaıtyn kóregen saıasatynyń nátıjesi ekeni sózsiz. Sonymen birge, muny Prezı­dentimizdiń saıası júıeni demokratııalandyrý jolyndaǵy tarıhı sheshimi dep bilemiz. Bul – elimiz úshin, bola­sha­ǵymyz úshin óte mańyzdy qadam. Osy kezeńde bizdiń depýtat­tarǵa júktelgen jaýapkershilik te óte zor. Ol – barlyq basta­ma­lardy sapaly zańdarmen qam­tamasyz etý. Sebebi, osy reforma jolynda Konstıtýsııaǵa jáne kóptegen zańdarǵa ózgerister engiziledi. Úkimettiń ókilettiligi keńeıip, Parlamenttiń róli kúsheıedi. Konstıtýsııalyq Keńestiń, sot júıesiniń jáne prokýratýranyń qyzmeti jetildirletin bolady. Prezıdentimizdiń Jarlyǵyna sáıkes, konstıtýsııalyq reformalar jobasy jalpyhalyqtyq talqylaýǵa shyǵarylady. Sondyqtan el bolyp, halyq bolyp osy mańyzdy reformany zor ta­bys­­pen ótkizip, alǵa qoıǵan maqsattarymyzǵa abyroımen jetemiz dep senemiz.