27 qańtarǵa arnalǵan aýa raıy

27 qańtarda respýblıkanyń basym bóliginde atmosferalyq fronttardyń ótýine baılanysty turaqsyz aýa raıy saqtalady. Ońtústik oblystarda jaýyn-shashyn bolady, tek shyǵysta jáne ońtústik-shyǵysta kún jaýyn-shashynsyz ótedi. Keı jerlerde jel kúsheıedi, tuman, kóktaıǵaq bolady, dep habarlaıdy "Qazgıdromet" RMK. Aqmola oblysynyń keı jerlerinde  tuman kútiledi, túnde burqasyn boldy. Jambyl oblysynyń  keı jerlerinde tuman, kóktaıǵaq bolady, 15-20 m/s-pen soqqan jeldiń ekpini 23 m/s-qa kúsheıedi. Almaty oblysynyń Jalańashkól aýdanynda jel 18-23  m/s-qa artady. Ońtústik Qazaqstan oblysynyń keı jerlerinde tuman kútiledi, jeldiń jyldamdyǵy 15-20 m/s  kúsheıedi. Qyzylorda, Mańǵystaý, Qostanaı oblystarynda, túnde jáne tańerteń Qaraǵandy oblysynyń jekelegen jerlerinde tuman boljanady. Soltústik Qazaqstan oblysynyń keı jerlerinde jaıaý burqasyn bolyp, tuman bolady. Pavlodar oblysynyń keı jerlerinde burqasyndatyp, 15-20 m/s ekpinde jel soǵady. Shyǵys Qazaqstan oblysynyń keı aýmaqtarynda tuman, 15-20 m/s jyldamdyqta jel turady.