«KEGOC» AQ BAQ arasynda ótken shyǵarmashylyq baıqaýdy qorytyndylady

«KEGOC» AQ jyl saıynǵy Qazaqstannyń Ulttyq elektr energetıkasy júıesin damytý jáne «KEGOC» AQ ınvestısııalyq jobalarynyń ózekti máselelerin jazǵan úzdik materıaldarǵa jarııalanǵan respýblıkalyq jáne aımaqtyq BAQ arasyndaǵy shyǵarmashylyq baıqaýdyń qorytyndysyn shyǵardy.

2016 jyly baıqaý komıssııasynyń qaraýyna baıqaý taqyrybyna sáıkes qazaqstandyq BAQ-ta (ınternet-BAQ qosqanda) jaryq kórgen  96 jarııalanym usynyldy. Olardyń ishinen mazmuny jaǵynan baıqaýdy ótkizý talaptaryna jaýap beretin 42 materıal tańdap alyndy. Baıandaý ereksheligi men janrlaryna sáıkes, kásibı sheberlikterin, ózektiligin, materıaldardyń mańyzdylyǵyn eskere otyryp, Komıssııa baıqaýdy ótkizý tártibine sáıkes 9 (toǵyz) atalymdy anyqtap, kelesi jýrnalıster men basylymdardyń jumysyn úzdik dep tapty: 1) «Júıelilik jáne derektilik» atalymy boıynsha – «INTERFAKS-QAZAQSTAN» jańalyqtar portalynyń redaksııasy; 2) «О́zekti jarııalanym» atalymy boıynsha – Qyzǵaldaq Aıtjanova, «Ortalyq Qazaqstan» Qaraǵandy oblystyq gazetiniń tilshisi; 3) «Belsendi kózqaras» atalymy boıynsha – «Qazaqparat» halyqaralyq aqparat agentiginiń redaksııasy; 4) «Jedel aqparat» atalymy boıynsha – LS Aqparat aqparat agentiginiń redaksııasy; 5) «Úzdik salalyq taldaý» atalymy boıynsha – «Kýrsıv» gazetiniń redaksııasy; 6) «О́zektilik» atalymy boıynsha – Venera Gaıfýtdınova, «Forbes.kz» iskerı jýrnalynyń tilshisi; 7) «Aımaqtyq sholý» atalymy boıynsha – Irına Ádilqanova, «Nasha jızn» Pavlodar oblystyq gazetiniń tilshisi; 8) «Úzdik jarııalanym» Ásel Muqanova, «Kazahstanskaıa pravda» respýblıkalyq gazetiniń tilshisi; 9) «Aqparattyq qoldaý» atalymy boıynsha – Aıdar О́risbaev, «Egemen Qazaqstan» respýblıkalyq gazetiniń tilshisi; Baıqaý jeńimpazdary baǵaly syılyqtar men estelik dıplomdarmen marapattaldy.