Qazaqstan naryǵyndaǵy taýarlardyń 14%-y sapasyz jáne qaýipti

Eń kóp taralǵan buzýshylyqtar (65% astam) tańbalaý boıynsha kemshilikter jáne tutynýshylar úshin durys emes aqparat berý bolyp tabylady, dep jazady Tutynýshylardyń quqyqtaryn qorǵaý komıteti. Tutynýshylardyń quqyqtaryn qorǵaý komıteti tóraǵasynyń orynbasary Nurqan Oljabaıuly Sádýaqasov eldiń ishki naryq aınalymyndaǵy ónimderdiń sapasy men qaýipsizdigi jaǵdaıy, anyqtalǵan burmalanǵan qaýipti ónimder sany jáne júrgizilgen sharalar týraly áńgimelep berdi. Atap aıtylǵandaı, 2016 jyly Komıtet 40796 ónim synamalaryn zerttedi, onyń ishinde tehnıkalyq reglamentterdiń talaptaryna sáıkes emes  5872 synamalar anyqtaldy nemese 14,4% quraıdy. Sáıkes emes ónimderdiń negizgi bóligi tamaq ónimderine jatady, ıaǵnı 29164 zerttelgen úlgilerdiń 3563 nemese 12,0%, onyń ishinde 853 sút synamalary (8049), 76 maı-tońmaı ónimderi (1801). Eń kóp taralǵan buzýshylyqtar (65% astam) tańbalaý boıynsha kemshilikter jáne tutynýshylar úshin durys emes aqparat berý bolyp tabylady. Ekinshi orynda qaýipsizdik kórsetkishteri boıynsha talaptardy buzý (bakterııa tobynyń ishek taıaqshasy, bakterııalyq zararlanýdyń jalpy kórsetkishteri, kógerý bolýy) 21,0%, budan ári, tutynýshylardy aldaý faktileri, olardy jańylystyrý (burmalanǵan ónim bolýy) 14,0% boldy. Sáıkes kelmeıtin ónimder anyqtalǵan barlyq faktiler boıynsha Komıtet óndirýshilerge habarlama, «Atameken» Qazaqstan Respýblıkasynyń Ulttyq kásipkerler palatasyna, sondaı-aq Eýrazııalyq ekonomıkalyq odaqqa múshe memleketterdiń ýákiletti organdaryna Qazaqstan tutynýshylyq naryǵynyń tıisti deńgeıin qorǵaýdy qamtamasyz etý boıynsha sharalar qabyldaý qajettiligi týraly aqparat jiberilip  otyrdy. Anyqtalǵan buzýshylyq nátıjesi boıynsha 53 sharýashylyq sýbektileriniń  qyzmetin toqtata otyryp, kináli tulǵalar 78,9 mıllıon teńgeden astam somaǵa ákimshilik jaýapkershilikke tartyldy, aınalymnan 25 tonna qaýipti, sonyń ishinde  burmalanǵan ónimder alynyp tastaldy. О́ndiristiń jasandy maı-toń maı ónimderin óndirý faktisi boıynsha  «VKV Company» JShS-ne jáne Almaty qalasynyń «Aıala plıýs» JShS-ne qatysty ákimshilik óndiris qozǵaldy, materıaldar Almaty qalasynyń ákimshilik sottar qaraýyna berildi. Máseleniń ózektiligin, tutyný naryǵyndaǵy burmalanǵan ónimderdiń bolýyn eskere otyryp, Komıtettiń zerthanalyq qyzmetti jańǵyrtý boıynsha, onyń ishinde zertteýdiń jańa ádisterin engizý boıynsha jumystar jalǵasýda. Komıtettiń sońǵy eki jyl ishinde júrgizilgen jumys nátıjesi, eldiń tutyný naryǵynda sáıkes kelmeıtin ónimderdiń jalpy sanynyń tómendeýi, barlyq ónimniń 2015 jyly 26 % – dan 2016 jyly – 14,4%,   jáne  taǵam ónimniń 30% – dan 12% – ǵa tómendeýi bolyp tabylady.