Qoqys óńdeý tehnologııasyn jasaýǵa 24 mln teńge grant bólindi

«Tehnologııalyq damý jónindegi ulttyq agenttigi» AQ-y «EkoPromTehnolodjı» JShS-ǵa koksohımııa óndirisiniń tehnogendik qoqystaryn óńdeý jóninde qondyrǵynyń ónerkásiptik úlgisin jasaýǵa  24 mln teńge grant usyndy.  Aqparatqa súıensek, tehnologııany metallýrgııa jáne qurylys óndirisinde de qoldanýǵa bolady, dep jazady «Interfaks-Qazaqstan. «Qoqys óńdeýdiń ázirlengen tehnologııasy kópjylǵy ǵylymı zertteýdiń nátıjesinde sıntezdelgen.  Joba áleýmettik sıpatqa ıe, óıtkeni joǵary bilikti mamandardyń jańa jumys oryndaryn ashýǵa baǵyttalǵan. О́ńdeletin ónim tutastaı eksportqa jóneltiledi», – dep atap ótti «EkoPromTehnolodjı» dırektory Zalıfa Garaeva. Zalıfa Garaevanyń keltirgen deregi boıynsha, tehnologııalyq sheshimdi negizinen ERG, «ArselorMıtall Temirtaý», «Shubarkól Kómir» kompanııalary qoldanbaqshy. «О́ńdelgen qoqystan paıda bolǵan ónimdi negizgi tutynýshy  aǵylshynnyń «BSSB» kompanııasy. Ol aldyn ala jasalǵan yntymaqtastyq boıynsha jylyna  40 myń tonna ónim alýǵa daıyn otyr», – deıdi Garaeva.