Aýyr sómkeniń mektep oqýshysyna qanshalyqty zııany bar?

Irlandııanyń ulttyq ata-analar keńesinde (National Parents Council Primary) aýyr sómke oqýshynyń omyrtqasyna zııany baryn talqylady. Osyǵan baılanysty biryńǵaı salmaqtaǵy sómkelerdi engizý usynyldy. Bul týraly life.ru habarlady. Jıynda ásirese, bastaýysh synyp oqýshylarynyń ata-analary onyń tym aýyrlyǵyna shaǵymdanǵan. Shamamen 3000 adamnyń úshten bir bóligi osynyń saldarynan balanyń sabaǵyna áreń baratynyn málimdedi. Sonymen qatar, saýalnama qorytyndysynda árbir bes qatysýshynyń tórteýi densaýlyqqa zııany tımes úshin ony qalaı kóterip, qalaı qozǵalý kerektigi jóninde nusqama jasalǵanyn qalaıtyndyǵy belgili boldy. Ata-analardyń shaǵymyn qanaǵattandyrý úshin NPC tómengi synyp oqýshylaryna salmaǵy birdeı rıýkzak engizýdi usyndy. Bul Eýropanyń birqatar elderinde, sondaı-aq AQSh pen Avstralııada qoldanysqa engizilgen. «Bul ádis artyq salmaǵy bar oqýshylar úshin esh paıdasy joq. Al súıek pen bulshyq ettiń aýyrǵany sómkeniń nemese taǵy bir zattyń aýyrtpalyǵyna baılanysty emes ekendigi birneshe ret dáleldengen», – dedi fızıoterapııa kafedrasynyń dosenti Sara Dokel.