О́skemende ár oqýshyǵa qaýipsizdik kartasy beriledi

О́skemende qalalyq prokýratýra men qalalyq bilim bólimi, qalalyq ákimdik birlese ázirlegen «Qaýipsiz baǵyt» atalatyn joba aıasynda arnaıy karta daıyndalyp, qoldanysqa engizilmek. Kartada oqýshynyń úıden mektepke, mektepten úıge deıin qandaı joldarmen, qandaı kóshelermen júrý kerektigi, oqýshy turatyn aýdan men oqýshy bilim alatyn mekteptiń aýmaǵy, sol mańaıdaǵy oqýshylarǵa qaýip týdyrýy múmkin degen oryndardyń (syrahanalar, araq-sharap satylatyn dúkender, durys jaryqtandyrylmaıtyn aýmaqtar men kólik turaqtarynyń mańaıy) barlyǵy kórsetiletin bolady. Quqyq qorǵaý organdarynyń qyzmetkerleri kámeletke tolmaǵandarǵa qatysty qylmystardyń deni oqýshylar sabaqqa bara jatqanda nemese kele jatqanda bolatynyn aıtady. Sondyqtan bul jobanyń oqýshylardyń qaýipsizdigine septigi tıetinine senimdi. 2016 jyldyń jeltoqsan aıynda qalanyń barlyq mektepterinde osy máseleni pysyqtaý maqsatynda ata-analar keńesi ótkizilip, bilim uıymdarynyń ókilderi polıseılermen birge mektepke deıingi qaýipsiz baǵyttardyń jobasyn ázirlepti. Joba avtorlarynyń sózine sensek, bul karta shahardaǵy ár mekteptiń oqýshysyna tapsyrylady. 1-shi synyptan bastap 11-ge deıin. Iаǵnı, birde bir oqýshy nazardan tys qalmaıdy. Arnaıy ázirlengen karta qolaıly bolý úshin oqýshynyń kúndeligine japsyrylmaq. Bul jobanyń taǵy bir tıimdi tusy bar. Shahardaǵy oqýshylar úshin qaýipti degen jerlerge qatysty jınaqtalǵan derekter negizinde «Qala mektepteriniń kartasy» ázirlenbek. Qala bıligi osy karta arqyly keıbir kóshelerge jaryq ornatyp, shahardyń keıbir tustaryndaǵy qalyń aǵashtardy kesý sekildi jumystardy júrgizýdi kózdep otyr. Árıne, munyń bári oqýshylardyń qaýipsizdigin oılaǵannan týǵan qam-qareket ekeni anyq. -"Balalardyń tárbıesine nege tek mektep qana jaýap berýi kerek? Bul máselege qoǵam bolyp atsalysýymyz qajet" dep jınalystarda jıi aıtyp júretin edim. Mine, endi osy máselege quzyrly oryndarmen birge bizdiń de atsalysyp jatqan jaıymyz bar. Qaladaǵy oqýshylarǵa qolaısyz jerlerdiń barlyǵyn ata-analarmen birge muqııat zerttedik. Beınekamera ornatatyn oryndardy da anyqtadyq. Qaqpaǵy ashyq jatqan lıýktar men ıesiz úılerge deıin birin qaldyrmaı kartaǵa engizdik. О́ıtkeni, balanyń qaýipsizdigi máselesine kelgende usaq-túıek, úlken-kishi degen dúnıe bolmaýy kerek, - deıdi О́skemen qalalyq bilim bóliminiń basshysy Mádenıet Ahmetova. Qalalyq bilim bóliminiń basshysy kartany ázirleý barysynda О́skemende jaryqtandyrylýǵa tıis 1362 oryndy anyqtaǵandaryn aıtady. Eger joba sátimen júzege asatyn bolsa, qaladaǵy oqýshylardyń qaýipsizdigimen qatar keıbir turǵyndardy áýre-sarsańǵa salyp júrgen kóshelerdi jaryqtandyrý, taǵy da basqa ózekti máseleler óz sheshimin tabatyn bolady. Azamat Qasym, «Egemen Qazaqstan» О́skemen