Qasym-Jomart Toqaev: Ata Zańǵa ózgerister eldi órkendetýde mańyzdy betburys bolatyny anyq

Qurmetti depýtattar! О́zderińizge málim, keshe Elbasy Nursultan Ábishuly Nazarbaev Prezıdent, Úkimet jáne Parlament arasynda ókilettikterdi qaıta bólý maqsatynda Konstıtýsııaǵa ózgerister engizý máseleleri boıyn- sha Qazaqstan azamattaryna arnaıy Úndeýin jarııalady. Prezıdent óziniń birqatar ókilettikterin bıliktiń atqarýshy jáne zań shyǵarýshy tarmaqtaryna berý bastamasyn kóterdi. Qyzmet atqaryp júrgen Memleket basshysy quzyretin bıliktiń tarmaqtaryna óz erkimen berýi – dúnıe júzindegi saıası ómirde óte sırek kezdesetin qubylys. Konstıtýsııaǵa engizilýi kózdelip otyrǵan bul ózgerister Qazaqstandaǵy demokratııalyq úderisterdi jetildirý jolynda, jalpy memleketimizdiń damýynda mańyzdy betburys bolatyny anyq. Bizdiń saıası júıemiz «Myqty Prezıdent, Bedeldi Parlament, Esepti Úkimet» tujyrymdamasyna negizdeletin bolady. Senat depýtattary bizdiń Prezıdentimizdiń Úndeýin belsendi túrde halyq arasynda keń aýqymda nasıhattaıdy dep senemin. Qasym-Jomart TOQAEV, Parlament Senatynyń Tóraǵasy