Amerıka bıznesi Tramp saıasatyna qarsy shyǵyp jatyr

Ford Motor kompanııasynyń jetekshileri kishi Bıll Ford pen Mark Fılds jáne Goldman Sachs bastaǵan iri amerıkalyq kompanııalardyń basshylyǵy prezıdent Donald Tramp saıasatyna qarsy narazylyqtaryn bildirýde, dep jazady investing. "Biz bıznestiń korporatıvti qundylyqtaryna qaıshy keletin saıasatqa túbegeıli qarsymyz", - delingen kásipkerlerdiń prezıdent saıasatyna qarsy jazylǵan úndeýinde. Tramptyń kóshi-qon saıasatynan keıin dollar quny tómendep, eldegi iri kompanııalardyń aksııalary qunsyzdanyp jatqany belgili. Esterińizge sala keteıik, Tramp ótken apta Taıaý Shyǵystaǵy jeti musylman elderiniń azamattaryn AQSh-qa kirýine shekteý qoıǵan edi. Goldman Sachs ınvestısııalyq bankiniń basshysy Lloıd Blankfeın bankırlerdiń ishinde bolyp alǵash narazylyǵyn kórsetken tulǵa. Al Starbucks kompanııasy  Trampqa narazylyq sharasy retinde álem boıynsha 75 eldegi óziniń bólimshelerinde 10 myń bosqyndy jumysqa alatynyn málimdedi. Uber basshylyǵy da prezıdenttiń qaýlysyna qarsylyǵynyń belgisi retinde osy máseleni Aq úıdegi jıynda qaıta kóteretinin aıtty. Kompanııa ókilderi syn aıtqanymen, tikeleı Tramp ózine qarata eshqandaı qarsy málimdeme jasamaı otyr. Máselen, United Parcel Service poshta qyzmeti "eldiń qaýipsizdigine baǵyttalǵan saıasatty qoldaǵanymen, azamattardyń emin-erkin shet elge kirýin de qoldaıtynyn" aıtty. General Motors kadr bólimi qyzmetkerleriniń barlyǵyna kompanııadaǵy azamattardyń ár alýandyǵyn qurmetteıtinin aıtyp hat jiberdi. United Auto Workers avtoındýstrııasy qyzmetkerleri kásipodaǵynyń basshysy Dennıs Ýılıams adamzattyń násili men ultyna qatysty alalaýdyń durys emestigin aıtyp málimdeme jasady. Al Tesla Motors jetekshisi Ilon Mask áleýmettik jeli arqyly prezıdenttiń álgi qaýlysyna aıtarlyqtaı ózgeris engizý kerektigin aıtty. Degenmen, bıznes álemindegi iri kompanııa ókilderi men alpaýyt qarjygerler ázirge únsiz otyr. Bridgewater Associates, Renaissance Technologies, Millennium Management, Two Sigma Investments sekildi iri fırma ókilderi jýrnalısterge osy máselege qatysty pikir berýinen bas tartty.