Dinaralyq kelisim – beıbitshilik kepili

Syrtqy ister mınıstri Qaırat Ábdirahmanov Astana jáne Qazaqstan mıtropolıti Aleksandrmen kezdesti. Taraptar áńgime barysynda álemdegi dinaralyq únqatysýdy ilgeriletý baǵytyndaǵy jumystardy jalǵastyra berý qajettigine nazar aýdardy. Bul týraly Syrtqy ister mınıstrliginiń baspasóz qyzmeti habarlady. Kezdesý barysynda qazaq­stan­dyq qoǵamnyń biregeı modelin qurýdaǵy Elbasy Nursultan Nazarbaevtyń róline, dástúrli ıslam men pravoslav dinderiniń memleketpen mańyzdy áriptestigi elimizdegi etnosaralyq jáne konfessııaaralyq kelisimniń negizgi tiregi bolyp otyrǵanyna erekshe ekpin túsirildi. Sonymen qatar, basqosýda Memleket basshysynyń bas­tama­symen dástúrli túrde ótki­zi­lip kele jatqan Álem­dik jáne dástúrli dinder kóshbas­shy­larynyń seziniń mańyzdylyǵy sóz boldy. Osy oraıda, bul sezd aıasynda dinı jáne saıası lı­derler únqatysýy ornap, sonyń nátıjesinde halyqaralyq qoǵamdastyqta dinı tózimdilik pen toleranttylyqty nasıhattaý isine zaıyrly jáne dinı turǵyda qoldaý kórsetilip kele jatqany sóz boldy. Odan ári mınıstr Astana jáne Qazaqstan mıtropolıtimen birge qazirgi tańda qoǵamymyzda qyzý talqylanyp ári halyq tarapynan qoldaý taýyp otyrǵan Elbasy usynǵan saıası reformalar men elimizdi jańǵyrtý baǵytyndaǵy is-qımyldardy talqylady. Ekijaqty áńgimelesý sátinde elimizdegi pravoslav dinin ustanatyndardyń beıbitshilikti saq­taý, tatýlyqty nyǵaıtý, keli­sim men ózara túsinistik baǵy­tyn­daǵy qazaqstandyq barlyq bastamalardy qoldaıtyny atap ótildi.