Ońtústik Qazaqstan oblysynyń ákimi Janseıit Túımebaev 2016 jylǵy atqarylǵan jumystar boıynsha halyq aldynda esep berdi. Oblys basshysynyń halyq aldyndaǵy jyldyq esebi bıyl alǵash ret onlaın rejimde Ońtústik Qazaqstan oblysy ákimdiginiń ontustik.gov.kz saıtynan kórsetilip, úsh mıllıonǵa jýyq halyqty qamtydy.
Dándi daqyldan rekordtyq kórsetkishke qol jetti
О́tken 2016 jyl berekeli jyl boldy, dedi oblys ákimi Janseıit Túımebaev. Halqymyz úshin eń uly mereke – Táýelsizdiktiń 25 jyldyǵy erekshe joǵary deńgeıde atalyp ótti. Elbasymyz Nursultan Ábishuly Nazarbaevtyń kemeńger kóshbasshylyǵynyń arqasynda Qazaqstan tarıhtyń syndarly sátterinen úlken abyroımen ótti. El ekonomıkasynyń damýy eselep, halyqtyń turmys-tirshiligi túbegeıli ózgerdi. Jalaqy, járdemaqy, zeınetaqy jyl saıyn ósip, áleýmettiń ál-qýaty artty. Osynyń bári Elbasymyzdyń Qazaqstandaǵy turaqtylyq pen tynyshtyqtyń, tatýlyq jáne el birligi jolyndaǵy tynymsyz eńbeginiń nátıjesi. Prezıdentimiz bıylǵy «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýynda jáne Úkimettiń keńeıtilgen otyrysynda búgingi jáne bolashaqtaǵy memleketimizdiń álemdegi róli jáne orny týraly baǵyt-baǵdaryn naqty aıqyndap berdi. Osylaı degen óńir basshysy oblystaǵy atqarylǵan jumystardy sala-salaǵa bólip jiliktep berdi. Atap aıtqanda, ındýstrııalyq-ınnovasııalyq damý baǵdarlamasynyń aıasynda ótken jyly 19 joba iske qosylyp, 600-den astam jumys orny ashyldy. 2016 jyly ındýstrııalyq aımaqtarda 15 joba iske qosylyp, 6 mlrd teńge ınvestısııa tartyldy. «Bıznestiń jol kartasy – 2020» baǵdarlamasy aıasynda 303 jobaǵa qoldaý kórsetilip, 2126 jumys orny quryldy. Sońǵy jyldary oblystyń agroónerkásiptik óndirisiniń damýynda oń úrdister baıqalyp otyr. Aýyl sharýashylyǵynda jalpy óniminiń ósý dınamıkasy saqtalýda. Egin sharýashylyǵyn ártaraptandyrý, asyl tuqymdandyrý boıynsha jumystar jalǵasyp jatyr. Bul memlekettiń belsendi bıýdjettik saıasatynyń arqasynda múmkin bolyp otyr. Aýyl sharýashylyǵynyń jalpy ónim kólemi 445,0 mlrd teńgeni qurap, 2015 jyldyń sáıkes kezeńimen salystyrǵanda 4,9 paıyzǵa artty. «Agrobıznes-2020» baǵdarlamasy aıasynda 2016 jyly 26 mlrd teńge sýbsıdııa bólinip, 43 myńnan astam aýylsharýashylyq taýar óndirýshilerine qoldaý kórsetildi. Al, aýylsharýashylyq daqyldary burnaǵy jyldan 13 myń ga artyp, 788,8 myń ga ornalastyryldy. Orta eseppen 633 myń tonna dándi daqyldar jınalyp, 2015 jylmen salystyrǵanda 8,9 paıyzǵa artty. Ortasha túsimdiligi gektaryna 25,1 sentnerdi qurap Qazaqstan táýelsizdigi kezeńindegi eń úlken kórsetkishke qol jetkizildi. Oblys ákimi óńirde kókónis, baý-baqsha, jemis-jıdek daqyldary jáne júzim ónimdiligine óndiriske ıntensıvti baýlardyń arqasynda qol jetkizilgendigin atap ótti. Tamshylatyp sýarý ádisiniń kólemi 51 myń gektarǵa kóbeıip, respýblıka boıynsha úlesi 73 paıyzǵa jetse, jylyjaılar kólemi 1123 gektar quraǵan. Eger osyny respýblıkalyq kólemge shaǵar bolsańyz 80 paıyzdan asady. Tek, jylyjaılardan ǵana 160 tonna ónim jınalǵan. Elbasynyń tapsyrmasyna sáıkes «Aýylsharýashylyq kooperatıvteri týraly» zańdy nátıjeli iske asyrý maqsatynda kooperatıvterdi qurý jumystary júıeli júrgizilýde. Búgingi kúni jańadan 17 myńnan astam usaq sharýashylyqtardy biriktiretin 242 kooperatıv quryldy. Sonymen qatar, oblysta qurylys jumystarynyń kólemi 211,9 mlrd teńgeni qurap, 2,3 paıyzǵa ósti. Jyl basynan 530 myń sharshy metr turǵyn úı paıdalanýǵa berildi. Densaýlyq saqtaý salasynda – 4, bilim salasynda – 39, mádenıet salasynda – 8, sport salasynda 2 nysan paıdalanýǵa berildi. «Jumyspen qamtýdyń jol kartasy-2020» baǵdarlamasy boıynsha 18,8 mlrd teńge ıgerilip, nátıjesinde 72,2 myń adam qamtyldy. Al, 36,2 myń turaqty jumys orny quryldy. Sondaı-aq, 24 aýyz sý, 25 tabıǵı gaz nysandary paıdalanýǵa berilse, 640,9 shaqyrym avtomobıl joldary men eldi meken kóshelerine qurylys-jóndeý jumystary júrgizildi.1 trln teńgeden astam ınvestısııa tartyldy
Elbasy bıylǵy jylǵy Qazaqstan halqyna Joldaýynda jańa ındýstrııalar qurýmen qatar dástúrli bazalyq salalary men ónerkásiptiń basym salalaryndaǵy básekege qabiletti eksportqa baǵyttalǵan óndiristerdi qura otyryp, óndiristi damytý mindetterin qoıyp otyr, dedi ákim. Osy baǵyttaǵy jumysty jandandyrý maqsatynda, oblystyń Indýstrııalandyrý kartasy aıasynda 2017-2020 jyldary 91 joba, onyń ishinde 2017 jyly 20 jobany iske asyrý josparlanýda. Nátıjesinde oblys ekonomıkasyna 1 trln teńgeden astam ınvestısııa tartylady. Kásipkerlikti qoldaý maqsatynda «Nátıjeli jumyspen qamtý jáne jappaı kásipkerlikti damytý» baǵdarlamasy aıasynda 2017 jylǵa jalpy 3,1 mlrd teńge bólinip, 400-ge jýyq joba qarjylandyrylmaq. Nátıjesinde 1 myńnan astam jumys orny qurylady dep kútilýde.«Jaqsy ákimniń kelgenin gaz kelgende bilersiń»
Oblys ákiminiń esebinen keıin suraq-jaýapqa kezek berilgen. Keıingi jyldary baıqalǵan bir jaqsy qasıet, burynyraqtaǵydaı árkim óz basynyń qamyn kúıttep ketpeıdi. Halyq sany jyl saıyn jedel ósip jatqan oblysqa balabaqsha, mektep, emhana kerek. О́zinde mol sý qory, elektr qýaty bolmaǵannan keıin bul máseleler de ózekti sanalady. Alty alashqa dańqy taraǵan Otyrar aýdanda kógildir otyn joq. Osy jaıynda sóz qozǵaǵan halyq aqyny Áselhan Qalybekova «bizdiń aýyldyń kelinderi «Jaqsy kúnniń kelgenin jaz kelgende bilersiń, Jaqsy ákimniń kelgenin gaz kelgende bilersiń», dep ázildeı otyryp, Otyrarǵa qashan gaz keledi», dep bazyna aıtty. Janseıit Qanseıituly tek aǵymdaǵy jyly 57 eldi meken gazdandyrylǵanyn, búginde 1 mln 860 myń adam kógildir otyndy tutynyp otyrǵandyǵyn jetkizdi. Jalpy, 2021 jylǵa deıin is-jospar túzilgen. Sonda taǵy da 383 eldi mekenniń qoly kógildir otynǵa jetedi. Oblysta aýyz sý máselesi de ótkir kúıinde qalyp otyr. Esep berý jıynynda oblys basshysy jaqynda ótken memleketaralyq kezdesýde О́gem ózenin buryp Qazyǵurt, Saryaǵash, Maqtaaral aýdandaryndaǵy 1 mıllıonǵa jýyq halyqqa aýyz sý jetkizýge kelisimge kelgendigin aıtty. Bul, árıne, Saryaǵash sııaqty aýyz sý ornyna arasan sýyn iship otyrǵan aýdandarǵa óte qýanyshty habar boldy. Esep berý jıynynan soń jaryssózge shyqqan azamattar kóptegen máselelerdi kóterdi. Jalpy, sóz sóılegen azamattar oblys ákimi Janseıit Túımebaevtyń osy ýaqytqa deıin atqarǵan jumystaryna oń baǵasyn berip, aldaǵy isterine sáttilik tiledi. Baqtııar TAIJAN, «Egemen Qazaqstan» Ońtústik Qazaqstan oblysy
