Qyzmetke qabilettiler qabyldanady

Ál-Farabı atyndaǵy QazUÝ-de Bas prokýror Jaqyp Asanov stýdenttermen jáne ustazdarmen kezdesti. Ol stýdenttik shaǵy osy qara shańyraqta ótkenin aıtty, dep habarlady Bas prokýratýranyń baspasóz qyzmeti. Kezdesýde Bas prokýror jańa jumysqa kiriskende kadr tańdaý máselesine basa nazar aýdarǵa­nyn jetkizdi. «Jastar arasynda saýal­­dama júrgizdik. Stýdent­ter­diń 95 paıyzy tanysyń, aǵań, kókeń bolmasa prokýratýraǵa turý múm­kin emes dep jaýap bergen. Osy kóz­qarasty biz ózgerttik. Qazir esh tanyssyz, baılanyssyz biz­ge jumysqa turýǵa bolady. Eki konkýrs ótti. 2 myń kan­dı­­dat­tyń ishinen tek 126-sy ju­mys­­qa qabyldandy. Onyń 21-i, ıaǵnı árbir altynshysy – osy ýnı­ver­­sı­tet­tiń túlegi. Sondyqtan siz­der­di qu­t­tyqtaımyn», dep jınal­ǵan­dardyń kóńilin kóterip tastady. Buǵan qosa, J.Asanov jastar­men táýel­­sizd­ik­tiń jetistikteri tur­ǵy­­syndaǵy oıy­­men bólisti. Ege­­mendiktiń qadi­ri, she­k­ara már­tebesi jáne Astananyń qar­­qyn­­­­dap damýy jastardyń qolyn­daǵy bas­ty baı­­lyq ekenin shegelep aıt­ty. Qur­ǵaq sóz bo­l­­masyn dep adam­dar­dyń ómir súrý deń­­geıin 90-shy jyldarmen sa­lys­tyryp berdi. Kezdesýde Elbasy Jol­daý­ynda kórs­etil­­gen basty baǵyttar da sóz boldy. Bú­gin­gi kúni qoǵam­da talqy­ǵa túsip jat­qan Kons­­­tı­­týsııanyń 26-babyna qatys­ty oıyn da bildirdi. Bas prokýror bul ózge­ris­­ter­­diń jerdi satý­ǵa múl­dem qatysy joq­­­ty­ǵyn eskert­­ti. Eshqandaı jer óz­gege be­r­il­­­­meı­­ti­nin shegelep aıtqan J.Asanov ju­rt­­shy­lyqty qańqý sóz­ge ermeýge sha­qy­r­­dy. Qoǵamǵa irit­ki salýǵa qumar­lar­dyń á­r­e­ke­tine jol berilmeıtinin atap kór­setti.