Bas qujattaǵy basymdyqtar ekonomıka úshin mańyzdy

Keshe Astana qalasynda Ulttyq ekonomıka mınıstrligi men Ekonomıkalyq zertteýler ınstıtýtynyń uıymdastyrýymen dóńgelek ústel otyrysy ótti. Prezıdent Nursultan Nazarbaevtyń bıylǵy Qazaq­stan halqyna Joldaýyn qol­dap, nasıhattaýǵa arnalǵan shara­da ınstıtýttyń basqarma tór­­aǵasy Serjan Mádıev sóz sóı­ledi. Ol bas qujattaǵy basym baǵyttardy atap, bul el damýy­nyń jol kartasy ekenin áńgimeledi. Basqosýda ınstıtýt janyn­­­­daǵy saraptamalyq zert­­teýler or­talyǵynyń dırektory Sa­ra Alpysbaeva mekeme sarap­shy­larynyń 2017 jylǵy ekonomıka ósi­mi­ne qatysty boljam­dary Úki­mettiń jasaǵan bol­jam­dary­nan joǵary bolyp shyqqa­nyn málimdedi. «Biz­diń joba­laýymyzsha, Qa­­zaqstan­nyń turaqty áleý­mettik-eko­nomıkalyq damýy úshin qaterler tómen­dedi. Bıyl­ǵy el ekonomıka­syna sala­daǵy belsendilik, xalyq kiri­siniń artýy, sonymen qatar, ken ónerkásibi­niń ósýi qoldaý jasaıdy. Instıtýt ma­man­dary aǵym­daǵy jyly elimiz­diń eko­nomıkalyq ósimi 2,7 paıyz bolady dep josparlaý­da», dedi ol. Ulttyq ekonomı­ka mı­nıstrligi ishki jalpy ónim­­niń boljamdy deńgeıin 1,9 paıyzdan 2,5 paıyzǵa deıin kótergeni esimizde. Sara Al­pys­­baevanyń aıtýynsha, Qazaq­stan úshin eń tómengi bol­­jam­dardy Dúnıejúzilik bank jarııa etken – nebári 2,2 paıyz. «Shıkizat eksporttaýshy memleketterde, sonyń ishinde Qazaqstanda, biz ósim bola­tynyn boljap otyrmyz. Degen­men, ol bizdiń bir­shama turaqty ekenimizdi bildirmeıdi. Model odan ózgermeıdi. Biz shıkizatqa táýel­di bolyp qalýdamyz. Me­niń­she, Prezıdent óziniń Jol­­daý­yn­da atap ótken úrdis­­ter eko­nomıka úshin óte mańyz­dy, ási­rese ınstıtýttyq ózgeris­­ter­diń orny erekshe», dedi óz kezeginde Dúnıejúzilik bank­tiń Qazaqstandaǵy aǵa ekono­mısi Ilııas Sársenov. Ashat RAIQUL «Egemen Qazaqstan»