Bilimniń jaıy talqylandy

Elbasymyz «Qazaqstannyń Úshinshi jańǵyrýy: jahan­dyq básekege qabilettilik» atty kezekti Joldaýyndaǵy tórtinshi basymdyqta bilim berý­di ekonomıkalyq ósýdiń jańa modeliniń ortalyq býynyna aınaldyra otyryp, ornyqty bilim arqyly elimizdi ozyq elderdiń qataryna qosýdy maqsat tutyp otyr. Ulttyq mýzeıde «Qazaq­stan demokratııalyq jańarý belesinde» taqyrybynda ótken respýblıkalyq konferensııada bilim salasyndaǵy reforma jáne bılik tarmaqtarynda ókilettikterdi qaıta bólý, Ata Zańǵa ózgeris engizý máseleleri keńinen áńgime boldy. – Jasyratyny joq, qazir­gi kezde jastardyń bar­ly­ǵynyń joǵary oqý oryndarynda grantpen oqýǵa múm­kindikteri joq, – deıdi tarıh ǵylymdarynyń kandıdaty Taldybek Nurpeıis. – Amal joq, aqyly oqý oryndaryna barady. Sodan aqsha tabý úshin sabaqtan keıin jumys isteı­di. Bul árıne, stýdentke kóp kúsh túsirip, oqýyna kedergi keltiredi. Mine, bıyl­ǵy Jol­daýda kásiptik bilim berýdi aqysyz etý másele­si naqty aıty­lǵan. Bul degeni­miz – joǵary oqý ornyna daıyn­dyq ári jastar meılinshe maman­dyq­­syz qalmaıdy degen sóz. Jıynda sondaı-aq, Erkesh Nurpeıisov, Talǵat Qalıev, Jangeldi Mahashov syndy ǵalymdar óz oı-pikirlerin bildirip, Joldaýdyń alǵa qoıǵan maqsattaryn keńinen saralap berdi. Oralhan DÁÝIT, «Egemen Qazaqstan» ASTANA