Sý nege shýǵa aınaldy?

О́ńirde aýyldardy orta­lyq­tandyrylǵan sý júıelerimen jabdyqtaý úshin 2013-2016 jyl­dar aralyǵynda «Aqbulaq» baǵ­dar­lamasy bekitilgen-di. Biz jazyp otyrǵan Maı aýdanynda Maı toptyq sý qubyryn qaıta qurý jumystary 2011 jyly bastalyp, 2016 jyldyń 10 qazanynda aıaqtalýy kerek edi. Toptyq sý qubyry 11 myńdaı adamy bar aýdannyń 23 aýylyna sý jetkizetin bolǵan-dy. О́tken shaqpen aıtýǵa májbúrmiz. Sóıtsek, aýdan orta­lyǵy Kóktóbe, Baskól, tipti, shalǵaıdaǵy Aqshıman aýyldaryn ortalyqtandyrylǵan sý júıesine qosatyn joba endi ǵana daıyn­dalyp jatsa kerek. Oblys ákimdiginiń saıtynda aýdan ortalyǵy Kóktóbe aýy­ly­nyń turǵyndary da sý quryl­ǵylarynyń jumysy bir kún bar, bir kún joq, ishetin taza sý taba almaı otyrǵandaryn jazypty. Al Maıtúbek aýylynyń turǵyn­dary bolsa ishýge jaramasa da, qudyq sýyn paıdalanýda. Biz­ge habarlasqan turǵyndar sý­dy tazartyp beretin keshendi blok modýli joqtyǵyn aıtyp sha­ǵymdandy. Negizi, aýylǵa keshendi blok modýlin salý jobasy osydan 7 jyl buryn bastalypty. Merdiger kom­panııa mindetin durys atqarmaı, aqyry qylmystyq jaýap­kershilikke tartylyp, ju­mys toqtap qalypty. Al aýdan basshylyǵy Maıtúbek aýylyn da ortalyqtandyrylǵan sý júıesine qosýdy josparlap otyrsa kerek, biraq, bul jumystyń qashan iske asatyny taǵy da belgisiz. Joba jasalmaǵan. Sondyqtan, biraz ýaqyt shydaı turýǵa týra keler, degen eken aýdan ákimi Ardaq Qań­tarbaev jýyrda ótken Maıtúbek aýyly turǵyndarymen bolǵan esepti kezdesýinde. Eń bastysy, aýylǵa modýl kerek pe, álde ortalyq sý júıesi qajet pe, qaısysy tıimdi degen máseleniń sheshimi bolýy kerek. Jańa Joldaýda «Ákimder óńirlik jáne jergilikti mańyzy bar máse­lelerdi sheshýge tıis...» dep atap ótti Elbasy. Aýyl shydady, áli de shydar. Biraq shydamnyń da shegi bar emes pe?.. Farıda BYQAI, «Egemen Qazaqstan» Pavlodar oblysy, Maı aýdany